ଏହା ସହିତ, ମୁଖ୍ୟମନ୍ତ୍ରୀ NDRF ଏବଂ SDRF ଦଳଗୁଡ଼ିକୁ ହାଇଆଲର୍ଟରେ ରହିବାକୁ ଅଧିକାରୀଙ୍କୁ କହିଛନ୍ତି। ବନ୍ୟା ପ୍ରଭାବିତ ଅଞ୍ଚଳରେ ଫସି ରହିଥିବା ଲୋକଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ସେ କହିଛନ୍ତି। ରିଲିଫ କାର୍ଯ୍ୟରେ କୌଣସି ଅବହେଳା ନ କରିବାକୁ ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଛନ୍ତି।

ଯୋଗୀ ଆଦିତ୍ୟନାଥ କହିଛନ୍ତି, ଯେ କୌଣସି ବନ୍ୟା ପୀଡିତଙ୍କୁ କଷ୍ଟ ଭୋଗିବାକୁ ଦିଆଯିବ ନାହିଁ। ବାଲିଆରେ ବନ୍ୟା ପ୍ରଭାବିତ ଅଞ୍ଚଳର ଆକାଶ ମାର୍ଗରେ ସର୍ଭେ କରିବା ପରେ, ସେ ରିଲିଫ ସାମଗ୍ରୀ ବଣ୍ଟନ କରିଛନ୍ତି। ଏହି ଅବସରରେ ସେ କହିଥିଲେ, ବନ୍ୟା ପ୍ରଭାବିତ ଅଞ୍ଚଳଗୁଡ଼ିକ ଅନୁଧ୍ୟାନ କରିବା ପ୍ରଭାବିତ ଲୋକଙକୁ ଭେଟି ବିଭିନ୍ନ ସମସ୍ୟା ଉପରେ ପଚାରି ବୁଝିଥିଲେ। ଏପରିକି ମୁଖ୍ୟମନ୍ତ୍ରୀ ବାଂସଡିହ, ବାଲିଆ ଏବଂ ବୈରିଆ ଅଞ୍ଚଳ ସର୍ଭେ କରିଥିଲେ।

ମୁଖ୍ୟମନ୍ତ୍ରୀ ଯୋଗୀ ପୁଣି କହିଛନ୍ତି, ସରକାର ଜନପ୍ରତିନିଧି ଏବଂ ପ୍ରଶାସନ ସହିତ ନିରନ୍ତର ଯୋଗାଯୋଗରେ ରହିଛି। କୌଣସି ବନ୍ୟା ପୀଡିତଙ୍କୁ ଯେପରି ଅସୁବିଧାର ସମ୍ମୁଖୀନ ନ ହେବାକୁ ପଡ଼େ ତାହା ନିଶ୍ଚିତ କରିବା ପାଇଁ ଭିଡିଓ କନଫରେନ୍ସ ମାଧ୍ୟମରେ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି। ସେ ଉଲ୍ଲେଖ କରିଛନ୍ତି, ଗତ କିଛି ଦିନ ଧରି ପ୍ରବଳ ବର୍ଷା ଯୋଗୁ ରାଜ୍ୟର ୨୬ଟି ଜିଲାରେ ବିଭିନ୍ନ ପରିମାଣର ବନ୍ୟା ସୃଷ୍ଟି ହୋଇଛି। ୧୭୧,୦୦୦ରୁ ଅଧିକ ଲୋକ ଏବଂ ୨୫୧ ଗାଁ ବନ୍ୟା ଦ୍ୱାରା ପ୍ରଭାବିତ ହୋଇଛି।

ମୁଖ୍ୟମନ୍ତ୍ରୀ କହିଛନ୍ତି ବନ୍ୟା ପ୍ରଭାବିତ ଅଞ୍ଚଳରେ ରିଲିଫ କାର୍ଯ୍ୟକୁ ଜୋରଦାର କରାଯାଇଛି। ବର୍ତ୍ତମାନ ସୁଦ୍ଧା ୧ହଜାରରୁ ଅଧିକ ଲୋକଙ୍କୁ ସୁରକ୍ଷିତ ବନ୍ୟା ଆଶ୍ରୟସ୍ଥଳରେ ରଖାଯାଇଛି। ୪୪୭ ବନ୍ୟା ଆଉଟପୋଷ୍ଟ ପ୍ରତିଷ୍ଠା କରାଯାଇଛି। ପ୍ରତ୍ୟେକ ଜିଲାରେ ରିଲିଫ କେନ୍ଦ୍ର ସ୍ଥାପନ କରାଯାଇଛି, ଯେଉଁଠାରେ ଖାଦ୍ୟ ଏବଂ ରିଲିଫ କିଟ ବଣ୍ଟନ କରାଯାଉଛି।

ରିଲିଫ କିଟ ବିଷୟରେ ବିବରଣୀ ପ୍ରଦାନ କରି ମୁଖ୍ୟମନ୍ତ୍ରୀ କହିଛନ୍ତି, ପ୍ରତ୍ୟେକ ପ୍ରଭାବିତ ପରିବାରକୁ ୧୦ କିଲୋଗ୍ରାମ ଅଟା, ୧୦ କିଲୋଗ୍ରାମ ଚାଉଳ, ୨ କିଲୋଗ୍ରାମ ଡାଲି, ୨ କିଲୋଗ୍ରାମ ଚଣା, ୨ କିଲୋଗ୍ରାମ ଭଜା ଚଣା, ୧ ଚିନି, ୧୦ ପ୍ୟାକେଟ ବିସ୍କୁଟ, ଦିଆସିଲି ବାକ୍ସ, ମହମବତୀ, ଗାଧୋଇବା ସାବୁନ, ଏବଂ ଏକ ତାରପୋଲିନ ସିଟ ଯୋଗାଇ ଦିଆଯାଉଛି।