ପ୍ରଶିକ୍ଷଣ ଶିବିରରେ ଆଗଲପୁର ବ୍ଲକର ଆଶା, ଅଙ୍ଗନବାଡି କର୍ମୀ, ଶିକ୍ଷୟିତ୍ରୀ ବୃନ୍ଦ, ସ୍ଵୟଂ ସହାୟକ ଦଳର ସଦସ୍ୟା, ଏଏନଏମ, କଲେଜ ଛାତ୍ରୀ ପ୍ରମୁଖ ୨୫୦ ରୁ ଅଧିକ ଯୋଗଦାନ କରିଥିଲେ । ମୁଖ୍ୟ ଅତିଥି ଶ୍ରୀମତୀ ମୁକ୍ତା ସାହୁ ନାରୀ ମାନଙ୍କର ପାଇଁ ଉଦ୍ଦିଷ୍ଟ ସରକାରଙ୍କ ବିଭିନ୍ନ ଯୋଜନା ଗୁଡିକ ଉପରେ ସବିଶେଷ ଆଲୋଚନା କରିଥିଲେ ଏବଂ ଓଡିଶାରେ ମହିଳା କମିଶନ ଦ୍ଵାରା କିପରି ମହିଳା ମାନେ ଲାଭ ପାଇପାରିବେ ତଥା ତାଙ୍କ ସମସ୍ୟାର ସମାଧାନ କିପରି ହେବ ଏ ବିଷୟରେ ଆଲୋଚନା କରିଥିଲେ । ଶ୍ରୀମତୀ ସାହୁ ପୋଶ ଆକ୍ଟ, ବାଲ୍ୟ ବିବାହ, ଘରୋଇ ହିଂସା ବିଷୟରେ ଆଲୋଚନା କରିଥିଲେ । ସମସ୍ତ ଅତିଥି ବୃନ୍ଦ ଉକ୍ତ କାର୍ଯ୍ୟକ୍ରମ ସମ୍ପର୍କରେ ମତାମତ ରଖିଥିଲେ । ପରେ ପ୍ରଶିକ୍ଷକ ଶ୍ରୀ ଖମାରି ଏଲସିସି/ ଆଇସିସି ଗଠନ, ଘରୋଇ ହିଂସା, ପୋକସୋ ଆକ୍ଟ, ଡାହାଣୀ ସନ୍ଦେହ ଜନିତ ହତ୍ୟାର ସରକାରୀ ପ୍ରାବଧାନ ବିଷୟରେ ବୁଝାଇଥିଲେ ।

ଏହି କାର୍ଯ୍ୟକ୍ରମରେ ମଞ୍ଚ ପରିଚାଳନା କରିଥିଲେ ଶିଶୁ ବିକାଶ ପ୍ରକଳ୍ପ ଅଧିକାରିଣୀ ଶ୍ରୀମତୀ ସୁଭଶ୍ରୀ ମିଶ୍ର ଓ ଧନ୍ୟବାଦ ଅର୍ପଣ କରିଥିଲେ ପିଓ-କମ୍-ପିଓ ସୁଜାତା ଦୋରା । ଜିଲ୍ଲା କାର୍ଯ୍ୟକ୍ରମ ସଂଯୋଜିକା ଶିବାନୀ ଠାକୁର ପ୍ରମୁଖ ଉପସ୍ଥିତ ଥିଲେ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ