ଓଡ଼ିଶା ସରକାରଙ୍କ ଏହି ଅଭିନବ ପ୍ରୟାସକୁ ସମସ୍ତେ ପ୍ରଶଂସା କରିବା ସହ ନୂତନ ବାଲ ବାଟିକା ଛାତ୍ର ଛାତ୍ରୀଙ୍କ ଉଜ୍ଜଳ ଭବିଷ୍ୟତ କାମନା କରିଥିଲେ। ସମସ୍ତ ନୂତନ ଛାତ୍ର ଛାତ୍ରୀଙ୍କୁ ଖଡ଼ି ଛୁଆଁ କରିବା ସହ ପୋଷାକ, ସ୍କୁଲ ବ୍ୟାଗ ବଣ୍ଟନ କରାଯାଇଥିଲା। ସମସ୍ତ ଛାତ୍ର ଛାତ୍ରୀ ଗପ ରାଇଜ , ରଙ୍ଗ ପସରା ଓ ଖେଳ ଘର ଆଦି ବୁଲି ସନ୍ତୋଷ ଅନୁଭବ କରିଥିଲେ। ମୁଖ୍ୟ ଅତିଥି ଶ୍ରୀ ବେହେରା ପ୍ରବେଶ ଉତ୍ସବ ସଚେତନତା ରଥ ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମ କୁ ବାନ୍ଦୁପଲା ଆଞ୍ଚଲିକ ସାଧନ କେନ୍ଦ୍ର ସଂଯୋଜକ ଲିଲୁ ମୋହନ ପଧାନ ସଂଯୋଜନା କରିଥିବା ବେଳେ ଶିକ୍ଷୟତ୍ରୀ ପୁଷ୍ପାଞ୍ଜଳି ବଡଜେନା ଧନ୍ୟବାଦ ଜ୍ଞାପନ କରିଥିଲେ। ଏହି କାର୍ଯ୍ୟକ୍ରମ ଆୟୋଜନ ରେ ଝସକେତନ୍ ରାଜହଂସ, ଚିନ୍ମୟ ସ୍ୱାଇଁ, ଶିବପ୍ରସାଦ ଦୀପ , ନିରୁପମା ସୁନା, ଲିଲି ସାହୁ, ହର୍ଶିତା ଦାସ, ନରେନ୍ଦ୍ର କୁମାର ଶତପଥୀ, ବେଣୁଧର ମେହେର, ଉତ୍ତମ ରଣା ଏଵଂ ମନୋଜ ଦୀପ ସହଯୋଗ କରିଥିଲେ।

---------------

ହିନ୍ଦୁସ୍ଥାନ ସମାଚାର / ଗୋପବନ୍ଧୁ