ବୌଦ୍ଧ, ୦୩ ମେ (ହି.ସ.) ଓଡିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷାର ଫଳାଫଳ ଆଜି ପ୍ରକାଶ ପାଇଛି । ବୌଦ୍ଧ ସରସ୍ୱତୀ ବିଦ୍ୟାମନ୍ଦିରର ପ୍ରିତମ କୁମାର ମେହେର ଜିଲ୍ଲା ଟପର ହୋଇଛନ୍ତି। ସେ ସମୁଦାୟ ୬୦୦ ମାର୍କରୁ ୫୬୬ ମାର୍କ ରଖି ଏ୧ ରେ ଜିଲ୍ଲା ଟପର ହୋଇଛନ୍ତି । ବୌଦ୍ଧ ସହର ଭୈରବୀ ଛକରେ ରହୁଥିବା ରାଜକିଶୋର ମେହେର ଓ ସରିତା ମେହେରଙ୍କ ପୁତ୍ର ଅଟନ୍ତି ପ୍ରିତମ ।
ଅନ୍ୟପକ୍ଷରେ ବୌଦ୍ଧ ଜିଲ୍ଲାରେ ପାଶ ହାର ରହିଛି ୯୫.୫୮ ପ୍ରତିଶତ । ଏ୧ ରେ ୧୨ ଜଣ ଛାତ୍ରଛାତ୍ରୀ ପାଶ କରିଛନ୍ତି । ଚଳିତ ବର୍ଷ ମାଟ୍ରିକ ପରୀକ୍ଷା ପାଇଁ ବୌଦ୍ଧ ଜିଲ୍ଲାର ୭୯ଟି ହାଇସ୍କୁଲର ୬୬୨୭ଟି ସ୍କୁଲର ଛାତ୍ରଛାତ୍ରୀମାନେ ନିଜ ନାମ ପଂଜିକୃତ କରିଥିଲେ । ମାତ୍ର ୬୨୭୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥିମଧ୍ୟରୁ ୨୯୬୪ ଛାତ୍ର ଥିବା ବେଳେ ୩୩୦୭ ଛାତ୍ରୀ ଥିଲେ । ୧୨ ଜଣ ଛାତ୍ରଛାତ୍ରୀ ଏ୧ ଶ୍ରେଣୀରେ ଉତୀର୍ଣ୍ଣ ହୋଇଥିବା ବେଳେ ଏ୨ ରେ ୯୯ ଜଣ ପାଶ କରିଛନ୍ତି । ସେହିପରି ବି୧ ରେ ୨୬୯ ଜଣ ଓ ବି୨ ରେ ୬୯୦ ଜଣ, ସି ରେ ୧୫୨୮ ଜଣ, ଡି ଗ୍ରେଡରେ ୨୦୬୦ ଜଣ, ଇ ଶ୍ରେଣୀରେ ୧୬୧୩ ଜଣ ଉତିର୍ଣ୍ଣ ହୋଇଥିବା ବେଳେ ୨୯୦ ଜଣ ଛାତ୍ରଛାତ୍ରୀ ଫେଲ ହୋଇଥିବା ଜଣାପଡିଛି ।
ହିନ୍ଦୁସ୍ଥାନ ସମାଚାର / ସମ୍ପତ