"ପ୍ରବେଶ ଉତ୍ସବ" ଓ "ଖଡ଼ିଛୁଆଁ ଉତ୍ସବ" ପାଇଁ ମୁଖ୍ୟମନ୍ତ୍ରୀ, ମନ୍ତ୍ରୀ, ବିଧାୟକ ଓ ଶିକ୍ଷାବିଭାଗର ଅଧିକାରୀମାନେ ଉତ୍ସବମୁଖରିତ ହୋଇପଡ଼ିଛନ୍ତି। ଏହା ବାସ୍ତବ ଶିକ୍ଷା ବ୍ୟବସ୍ଥାର ଏକ ବିକଳ ଚିତ୍ର ବୋଲି କଂଗ୍ରେସ ଅଭିଯୋଗ କରିଛି।

କଂଗ୍ରେସ କାର୍ଯ୍ୟାଳୟ ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ କଂଗ୍ରେସ ପ୍ରବକ୍ତା କୃଷ୍ଣଚନ୍ଦ୍ର ପତି କହିଛନ୍ତି ଭାବରେ ଶ୍ରେଣୀ ଗୃହର ଅଭାବ, ଶିକ୍ଷକଙ୍କର ଅଭାବ, ବିଦ୍ୟୁତ ସଂଯୋଗର ଅଭାବ, ପିଇବାପାଣିର ଓ ଶୌଚାଳୟର ଅଭାବ ଦର୍ଶାଉଛି ଯେ ସରକାର ଛାତ୍ରଛାତ୍ରୀମାନଙ୍କୁ ନିତ୍ୟାବଶକୀୟ ମୌଳିକ ସୁବିଧା ଯୋଗାଇବାରେ କିଭଳି ବିଫଳ ହୋଇଛନ୍ତି। ଗତ ଶିକ୍ଷାବର୍ଷରେ ଦଶମ ଓ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷାରେ ୧୫ ହଜାରରୁ ଉଦ୍ଧ୍ୱ ଛାତ୍ରଛାତ୍ରୀ ଫର୍ମଫିଲପ୍ କରିମଧ୍ୟ ପରୀକ୍ଷା ଦେବାରୁ ଅନୁପସ୍ଥିତ ରହିଥିଲେ। ଏହା ହେଉଛି ସରକାରୀ ତଥ୍ୟ କିନ୍ତୁ ବାସ୍ତବ ତଥ୍ୟ ଏହାଠାରୁ ଭିନ୍ନ। ଏଥିରୁ ସ୍ପଷ୍ଟ ବାରି ହେଉଛି ଯେ ସ୍କୁଲ ଡ୍ରପଆଉଟ୍ ହାରକୁ ନେଇ ସରକାର ରଖୁଥିବା ତଥ୍ୟ ଏବଂ ବାସ୍ତବ ଚିତ୍ର ମଧ୍ୟରେ ଅନେକ ପାର୍ଥକ୍ୟ ରହୁଛି। ପ୍ରଥମରୁ

ଅଷ୍ଟମଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ମାନଙ୍କୁ ମାଗଣାରେ ପୁସ୍ତକ ଓ ପୋଷାକ ବଂଟନର ବ୍ୟବସ୍ଥା ଥିଲେ ମଧ୍ୟ ଗତ ଶିକ୍ଷାବର୍ଷରେ ଛାତ୍ରଛାତ୍ରୀମାନେ ଆରମ୍ଭରୁ ୬ ମାସ ପର୍ଯ୍ୟନ୍ତ ପାଠ୍ୟ ପୁସ୍ତକ ଓ ବୋର୍ଡ ପରୀକ୍ଷା ପର୍ଯ୍ୟନ୍ତ ପୋଷାକ ପାଇପାରିଲେ ନାହିଁ। ରାଜ୍ୟରେ ଘରୋଇ ଶିକ୍ଷାନୁଷ୍ଠାନ ମାନଙ୍କରେ ୭୦୦ ଟଙ୍କାର ବହିପତ୍ର ୭୦୦୦ ରେ ବିକ୍ରୀ ହେବା ଦୁର୍ଭାଗ୍ୟଜନକ ଓ ଏସବୁ ଜାଣି ମଧ୍ୟ ସରକାର ଆଖିବୁଜି ଦେବା କେଉଁଠି ନା କେଉଁଠି ଘରୋଇ

ଶିକ୍ଷାନୁଷ୍ଠାନ ଓ ରାଜ୍ୟ ସରକାରଙ୍କ ମଧ୍ୟରେ ମଧୁଚନ୍ଦ୍ରିକା ଥିବା ଦର୍ଶାଉଛି।

ତେଣୁ ଚଳିତ ବର୍ଷ ସିବିଏସଇ ବୋର୍ଡ ଓ ରାଜ୍ୟବୋର୍ଡ ଅଧିନରେ ମାଟ୍ରିକ ପରୀକ୍ଷା ଦେବାପାଇଁ ଥିବା ଛାତ୍ରଛାତ୍ରୀମାନେ ମଧ୍ୟ ଏପର୍ଯ୍ୟନ୍ତ ବହି ଖୋଲାବଜାରରୁ କିଣିପାରୁ ନାହାନ୍ତି, ଯଦିଓ ସେମାନଙ୍କର କ୍ଲାସ ଗତ ୧୫ ଦିନ ତଳୁ ଆରମ୍ଭ ହେଲାଣି। ଏକଥା ଦର୍ଶାଉଛି ଏହି ଛାତ୍ରଛାତ୍ରୀ ମାନଙ୍କ ଭବିଷ୍ୟତ ସହିତ ସରକାର

ପ୍ରତାରଣା କରୁଛନ୍ତି। ଉଚ୍ଚଶିକ୍ଷା ପରିଷଦର ସ୍ଥାୟୀ ଅଧ୍ୟକ୍ଷ ଓ ସଦସ୍ୟ ନିଯୁକ୍ତି ଏପର୍ଯନ୍ତ ହୋଇନଥିବାରୁ ଉଭୟ ଡଃ ଭୂୟାଁ ଓ ଶ୍ରୀ ପତି ଗଭୀର ଚିନ୍ତା ପ୍ରକଟ କରିଛନ୍ତି ଓ ସରକାରଙ୍କୁ ଏ ଦିଗରେ ଶୀଘ୍ର ପଦକ୍ଷେପ ନେବାପାଇଁ ଅନୁରୋଧ କରିଛନ୍ତି। ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଶ୍ରୀ ଅଭୟ ସାହୁ ଉପସ୍ଥିତ ଥିଲେ।

---------------

ହିନ୍ଦୁସ୍ଥାନ ସମାଚାର / ବନ୍ଦନା