Friday, 07 May, 8.01 pm Indo Kaling Times

ଓଡ଼ିଆ
'ସମ୍ବାଦ' ଗଞ୍ଜାମ ଜିଲ୍ଲା ପ୍ରତିନିଧି ପ୍ରଦୀପ କିଶୋର ସାହୁଙ୍କ କରୋନାରେ ଦେହାନ୍ତ

ବ୍ରହ୍ମପୁର:'ସମ୍ବାଦ' ଗଞ୍ଜାମ ଜିଲ୍ଲା ପ୍ରତିନିଧି ତଥା ବିରଷ୍ଠ ସାମ୍ବାଦିକ ପ୍ରଦୀପ କିଶୋର ସାହୁ(୪୩)ଙ୍କ କରୋନାରେ ଆଜି ସକାଳେ ଦେହାନ୍ତ ଘଟିଛି। ସେ କନିଷିସ୍ଥିତ ଅଶ୍ବିନୀ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଥିଲେ। ତାଙ୍କର ଅକାଳ ବିୟୋଗ ଖବର ପାଇ ବିଭିନ୍ନ ମହଲରେ ଗଭୀର ଶୋକ ପ୍ରକାଶ ପାଇଛି। ମଧ୍ୟାହ୍ନରେ ଶୀତଳାପଲ୍ଲୀସ୍ଥିତ ଶ୍ମଶାନରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା।

ଗଞ୍ଜାମ ଜିଲ୍ଲା ପୁରୁ‌ଷୋତ୍ତମପୁର ବ୍ଲକ ବଳରାମପୁର ଗ୍ରାମର ମୂଳନିବାସୀ ଶ୍ରୀ ସାହୁ ବ୍ରହ୍ମପୁର ଲୋଚାପଡ଼ା ଶକ୍ତିନଗରରେ ନିଜ ପତ୍ନୀ ଓ ଦୁଇପୁଅ ସହିତ ରହୁଥିଲେ। ସ୍ବର୍ଗତ ସାହୁ ଧରିତ୍ରୀ ଖବରକାଗଜରୁ ତାଙ୍କର ସାମ୍ବାଦିକତା ଜୀବନ ଆରମ୍ଭ କରିଥିଲେ। ସେ ଭୁବନେଶ୍ବର, ଖୋର୍ଦ୍ଧା, ପୁରୀ ଭଳି ଜିଲ୍ଲାରେ ଦକ୍ଷତାର ସହ ଦାୟିତ୍ବ ସମ୍ପାଦନ କରିଥିଲେ। ଗତ ୨୦୧୮ ଡିସେମ୍ବର ମାସରେ ସେ 'ସମ୍ବାଦ' ଗଞ୍ଜାମ ଜିଲ୍ଲା ପ୍ରତିନିଧି ଭାବେ ଦାୟିତ୍ବ ଗ୍ରହଣ କରିଥିଲେ। ଜଣେ ବରିଷ୍ଠ ସାମ୍ବାଦିକ ଭାବେ ତାଙ୍କର ବେଶ୍ ସୁନାମ ରହିଥିଲା। ଜିଲ୍ଲାର ବିଭିନ୍ନ ସମସ୍ୟା ଭିତ୍ତିକ ତଥା ଗଠନମୂଳକ ଓ ମାନବୀୟ ମୂଲ୍ୟବୋଧ ଭିତ୍ତିକ ଖବର ପରିବେଷଣରେ ତାଙ୍କର ଲେଖନୀ ସର୍ବାଦ ଚଳଚଞ୍ଚଳ ରହିଥିଲା। ଜିଲ୍ଲାର ବିଭିନ୍ନ ଦିଗ ଉପରେ ଖବର ସଂଗ୍ରହ କରି ସୁନ୍ଦର ଭାବେ ଉପସ୍ଥାପନ କରୁଥିଲେ। ଯାହା ପାଠକ ମହଲରେ ଆଦୃତ ଲାଭ କରୁଥିଲା। 'ସମ୍ବାଦ' ପରିବାରର ଶ୍ରେଷ୍ଠ ଜିଲ୍ଲା ପ୍ରତିନିଧିଙ୍କ ମଧ୍ୟରୁ ସେ ଥିଲେ ଜଣେ। ଗତବର୍ଷ କରୋନାର ପ୍ରଥମ ଲହର ସମୟରେ ସ୍ବର୍ଗତ ସାହୁ ହିଁ ପ୍ରଥମେ ସୁରତରେ ରହୁଥିବା ଓଡ଼ିଆ ପ୍ରବାସୀଙ୍କ ଦୁର୍ଦ୍ଦଶା ଓ କାରୁଣ୍ୟକୁ ଲୋକଲୋଚନକୁ ଆଣିଥିଲେ। ସେ ନିରନ୍ତର ଓଡ଼ିଆ ପ୍ରବାସୀଙ୍କ ସମସ୍ୟା ଉପରେ ଖବର ସଂଗ୍ରହ କରିବା ସହ ଗଞ୍ଜାମ ଜିଲ୍ଲାରେ କରୋନାର ଭୟାବହତା ଉପରେ ରିପୋର୍ଟ ଦେଇ ଚାଲିଥିଲେ। ଏପରିକି ସେ ସଂକ୍ରମିତ ହୋଇ ହସ୍ପିଟାଲ୍‌ରେ ଭର୍ତ୍ତି ହେବା ପର୍ଯ୍ୟନ୍ତ ଘରେ ସ‌ଙ୍ଗରୋଧ ରହି ମଧ୍ୟ ନିଜ ଦାୟିତ୍ବ ଓ କର୍ତ୍ତବ୍ୟକୁ ଭୁଲିନଥିଲେ। ସଂଘରୋଧରେ ରହିବ ବି ସେ ପ୍ରସଙ୍ଗ ଭିତ୍ତିକ ରିପୋର୍ଟ ଫାଇଲ୍‌ କରୁଥିଲେ। ଶେଷରେ ସେହି କରୋନା ହିଁ ତାଙ୍କୁ କୋଳେଇ ନେଇ ପତ୍ନୀ ଓ ଦୁଇ କୁନିପୁଅଙ୍କୁ ଏକାକି କରିଦେଲା। ସ୍ବର୍ଗତ ସାହୁ ଜଣେ ଅତ୍ୟନ୍ତ ନମ୍ର, କର୍ମଠ ଓ ଦାୟିତ୍ବବାନ ବ୍ୟକ୍ତି ଭାବେ ପରିଚିତ ଥିଲେ। ପ୍ରାୟ ଦୁଇ ସପ୍ତାହରୁ ଅଧିକ ସମୟ ପର୍ଯ୍ୟନ୍ତ ସେ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସାଧୀନ ଥିଲେ। ସ୍ବାସ୍ଥବସ୍ଥା ବିଗିଡିବାରୁ ସେ ଭେଣ୍ଟିଲେଟର୍‌ରେ ରହିଥିଲେ। ଡାକ୍ତରଙ୍କ ସମସ୍ତ ଉଦ୍ୟମ ସତ୍ବେ ତାଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସି ନଥିଲା। ଶେଷରେ ଆଜି ସକାଳେ ହସ୍ପିଟାଲ୍‌ କର୍ତ୍ତୃପକ୍ଷ ତାଙ୍କୁ ମୃତ ଘୋଷଣା କରିଥିଲେ।
ଏହି ଦୁଃଖଦ ଖବର ପାଇ 'ସମ୍ବାଦ'ର ସମ୍ପାଦକ ସୌମ୍ୟରଂଜନ ପଟ୍ଟନାୟକଙ୍କ ସମେତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପୂର୍ବତନ ସାଂସଦ ବୈଜୟନ୍ତ ପଣ୍ଡା ଟ୍ବିଟ୍‌ କରି ଗଭୀର ଶୋକ ବ୍ୟକ୍ତ କରିବା ସହିତ ଶୋକସନ୍ତପ୍ତ ପରିବାର ବର୍ଗଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି। ସେହିପରି ବରିଷ୍ଠ ଶିକ୍ଷାବିତ୍‌ ତଥା ବ୍ରହ୍ମପୁର ବିଶ୍ବବିଦ୍ୟାଳୟର ପୂର୍ବତନ କୁଳପତି ପ୍ରଫେସର ଜୟନ୍ତ କୁମାର ମହାପାତ୍ର, ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ, ବ୍ରହ୍ମପୁର ଏସ୍‌.ପି. ପିନାକ ମିଶ୍ର, ଭିଜିଲାନ୍ସ ଏସ୍‌.ପି. ଶାନ୍ତନୁ ପାଢ଼ୀଙ୍କ ସମେତ ବ୍ରହ୍ମପୁର ସହରର ବହୁ ସାମ୍ବାଦିକ ଶୋକ ବ୍ୟକ୍ତ କରିଛନ୍ତି।

40183

SHARES

Share on Facebook Tweet Follow us Share Share Share Share Share

40183

SHARES

Share on Facebook Tweet Follow us Share Share Share Share Share

Share on Facebook

Tweet

Follow us

Share

Share

Share

Share

Share

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Indo Kaling Times
Top