ଉଦଳା : ଜନବସତିରେ ପଶିଲା ଅହିରାଜ । ଏକ ବିଶାଳ କାୟ ଅହିରାଜ କୁକୁଡ଼ା ଦୋକାନ ଭିତରେ ପଶି ଯାଇଥିବା ବେଳେ ତାହାକୁ ଉଦ୍ଧାର କରିଲା ବନ ବିଭାଗ । କପ୍ତିପଦା ବନାଞ୍ଚଳ ଅଧିନ ପଦ୍ମପୋଖରୀ ଗ୍ରାମରେ ଜଣେ ବ୍ୟକ୍ତିଙ୍କ କୁକୁଡ଼ା ଦୋକାନ ଭିତରେ ଏକ ଅହିରାଜ ସାପ ପଶିଥିବା ଦୋକାନୀ ଦେଖିବାକୁ ପାଇଥିଲେ । ଏହା ପରେ ସେ ଘଟଣା ବାବଦରେ କପ୍ତିପଦା ବନ ବିଭାଗକୁ ଖବର ଦେଇଥିଲେ ।
ଖବର ପାଇ ବନ ବିଭାଗ ସହିତ ସ୍ନେକ ହେଲ୍ପ ଲାଇନ ସଦସ୍ୟ ଘଟଣା ସ୍ଥଳରେ ପହଂଚିଥିବା ବେଳେ ଅହିରାଜଟି ଦୋକାନରୁ ବାହାରି ନିକଟସ୍ଥ ଏକ ବୁଦା ନିକଟରେ ଲୁଚିଯାଇଥିବା ବନ ବିଭାଗ ଦେଖିବାକୁ ପାଇଥିଲା । ଏହା ପରେ ସାପଟିକୁ ଦୀର୍ଘ ସମୟ ଚେଷ୍ଟା ପରେ ଧରିବା ସହିତ ସୁରକ୍ଷିତ ଭାବେ ଶିମିଳିପାଳରେ ଛାଡି ଦିଆଯାଇଛି। ଉଦ୍ଧାର ଅହିରାଜ ସାପର ଲମ୍ବ ୧୨ ଫୁଟ ରୁ ଅଧିକ ହୋଇଥିବା ବେଳେ ନିକଟସ୍ଥ ଜଙ୍ଗଲରୁ ସାପଟି ଆସିଥିବା କୁହାଯାଉଛି।