୩୯ ଦିନରେ ପହଞ୍ଚିଛି ଫେବୃୟାରୀ ୨୮ରୁ ଆରମ୍ଭ ହୋଇଥିବା ଅପରେସନ ଏପିକ ଫ୍ୟୁରି । ଜଣେ ସାମ୍ବାଦିକ ଟ୍ରମ୍ପଙ୍କୁ ପଚାରିଥିଲେ ଇରାନ ସହ ବିବାଦକୁ ଶେଷ କରିବାକୁ ଚାହୁଁଛନ୍ତି ନା ଯୁଦ୍ଧକୁ ଆହୁରି ବଢ଼ାଇବାକୁ ଚାହୁଁଛନ୍ତି । ଏହାର ଉତ୍ତରରେ ଟ୍ରମ୍ପ କହିଛନ୍ତି, ଏହା ଇରାନର କାର୍ଯ୍ୟ ଉପରେ ନିର୍ଭର କରେ ।

ଏବେ ଗୁରୁତ୍ୱପୂର୍ଣ୍ଣ ସମୟ ଚାଲିଛି । ସେମାନଙ୍କ ପାଖରେ ସମୟ ଅଛି, ୮ଟା ପର୍ଯ୍ୟନ୍ତ ସମୟ ଅଛି। ରାଷ୍ଟ୍ରପତି ଟ୍ରମ୍ପ ସ୍ପଷ୍ଟ କରିଛନ୍ତି ଯେ, ଆମେରିକା ପରବର୍ତ୍ତୀ ପଦକ୍ଷେପ କ'ଣ ନେବ, ତାହା ଇରାନର ପଦକ୍ଷେପ ଉପରେ ନିର୍ଭର କରେ। ସେପଟେ ହର୍ମୁଜ ନଖୋଲିବା ଜିଦରେ ଇରାନ ଅଟଳ ଥିବାରୁ ବିଶ୍ୱ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଇଛି । ଯଦି ଇରାନ ଉପରେ ଆକ୍ରମଣ ବଢ଼େ ତେବେ ଅଶୋଧିତ ତୈଳ ଦର ଆହୁରି ବଢିବା ଆଶଙ୍କା ରହିଛି । ଆମେରିକା ଟାର୍ଗେଟରେ ପାୱାରପ୍ଲାଣ୍ଟ ଥିବାରୁ ଏହାର ଚାରିପଟେ ମାନବ ଶୃଙ୍ଖଳ କରିବା ପାଇଁ ଇରାନ ଅପିଲ କରିଛି । ଛାତ୍ରଛାତ୍ରୀ, କଳାକାର, ଆଥଲେଟ ଆଣବିକ ପ୍ଲାଣ୍ଟ ଚାରିପଟେ ଆଜି ମାନବ ଶୃଙ୍ଖଳ କରିବାକୁ କୁହାଯାଇଛି ।