Monday, 21 Sep, 9.36 am K NEWS

ହୋମ
ବ୍ୟାଙ୍କ ଷ୍ଟେଟମେଣ୍ଟରୁ ହେଲା ଏକ ବଡ଼ ଖୁଲାସା, କୁଆଡ଼େ ଗଲା ସୁଶାନ୍ତଙ୍କ ଆକାଉଣ୍ଟରୁ ୫୧ କୋଟି ଟଙ୍କା

ସୁଶାନ୍ତଙ୍କ ବାନ୍ଧବୀ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଉପରେ ସୁଶାନ୍ତ ସିଂହ ରାଜପୁତଙ୍କ ଆକାଉଣ୍ଟରୁ ୧୫ କୋଟି ଟଙ୍କା ହେରଫେରର ଆରୋପ ଲାଗିଥିବା ଘଟଣା ତ ସମସ୍ତଙ୍କୁ ଜଣା । ଏନେଇ ରିୟାଙ୍କୁ ସିବିଆଇ ବାରମ୍ବାର ପଚରାଉଚୁରା କରିବା ସହ ରିୟା ଡ୍ରଗ୍ସ କାରବାରରେ ଜଡିତ ଥିବା କଥା ପଦାକୁ ଆସିବା ସହ ଏନେଇ ରିୟା ଓ ତାଙ୍କ ଭାଇ ସୌଭିକଙ୍କ ସମେତ ଅନ୍ୟ ମାନଙ୍କୁ ଏନସିବି ପକ୍ଷରୁ ଗିରଫ କରାଯାଇଛି । କିନ୍ତୁ ଜାଣି ଆଶ୍ଚର୍ଯ୍ୟ ହେବେ ଏହି ୧୫ କୋଟି ବ୍ୟତୀତ ସୁଶାନ୍ତଙ୍କ ଆକାଉଣ୍ଟରୁ ଆଉ ଏକ ବଡ ଧରଣର ଅର୍ଥ ହେରଫେର ହୋଇଥିବା ଭଳି ତଥ୍ୟ ପଦାକୁ ଆସିଛି । ଏଥର କିନ୍ତୁ ସୁଶାନ୍ତଙ୍କ ଆକାଉଣ୍ଟରୁ ପାଞ୍ଚ କି ଦଶ କୋଟି ନୁହେଁ ବରଂ ୫୧ କୋଟି ଟଙ୍କା ହେରଫେର ହୋଇଛି ।

ନିକଟରେ ଏକ ଜାତୀୟ ସମ୍ବାଦ ସରବରାହ ସଂସ୍ଥା ହାତରେ ସୁଶାନ୍ତଙ୍କ ମୃତ୍ୟୁ ପୂର୍ବର ୬ ଦିନର ବ୍ୟାଙ୍କ ଷ୍ଟେଟମେଣ୍ଟ ପଦାକୁ ଆସିଛି । କିନ୍ତୁ ଏହି 6 ଦିନ ପୂର୍ବରୁ ସୁଶାନ୍ତଙ୍କ ଜୀବନରୁ ରିୟା ବାହାରି ଯାଇଥିଲେ । ଏବେ ପ୍ରଶ୍ନ ଉଠୁଛି ଯଦି ସୁଶାନ୍ତଙ୍କ ଆକାଉଣ୍ଟରୁ ଏହି ଟଙ୍କା ହେରଫେର ହୋଇଥାଏ ତେବେ ଏହାକୁ ହଡପ କଲା କିଏ ? ଖାଲି ଏତିକି ନୁହେଁ ଆଉ ଏକ ବିସ୍ମୟକର ତଥ୍ୟ ବି ପଦାକୁ ଆସିଛି । ତାଙ୍କର କେତେକ ନିକଟ ସମ୍ପର୍କୀୟଙ୍କ ଅନୁଯାୟୀ ମୃତ୍ୟୁ ପୂର୍ବରୁ ପାଞ୍ଚ ଛ ଦିନ ସୁଶାନ୍ତ ନିଜ କର୍ମଚାରୀ ମାନଙ୍କୁ କେମିତି ଦରମା ଦେବେ ସେହି ଚିନ୍ତାରେ ରହୁଥିଲେ । ହୁଏତ ଏହି ସମୟରେ ତାଙ୍କ ନିକଟରେ ଆଦୌ ଟଙ୍କା ନଥିଲା । ତେବେ ସନ୍ଦେହ ଉଠୁଛି ଏହି ଘଟଣା ସୁଶାନ୍ତଙ୍କ ଆତ୍ମହତ୍ୟା ପଛର ମୂଳ କାରଣ ନୁହେଁ ତ । ଟଙ୍କା ପାଇଁ ହିଁ କେବଳ ସୁଶାନ୍ତ ଆତ୍ମହତ୍ୟା କରିନାହାନ୍ତି ତ ।

ଏତେ ବଡ଼ ମୂଲ୍ୟର ଟଙ୍କା ସୁଶାନ୍ତଙ୍କ ଆକାଉଣ୍ଟରୁ ଗାଏବ କଲା କିଏ । ଏହି ଘଟଣାର ତନାଘନା ବର୍ତ୍ତମାନ ସମୟରେ ଜାରି ରହିଥିବା ବେଳେ ଏହି ଘଟଣା ପଛରେ ପ୍ରକୃତରେ ଦାୟୀ କିଏ ସେନେଇ ତଦନ୍ତ ଆରମ୍ଭ ହୋଇଥିବା ଜଣାଯାଇଛି । କହିରଖିବା ଉଚିତ ହେବାଯେ, ଅଭିନେତ୍ରୀ ରିୟା ଚକ୍ରବର୍ତ୍ତୀ ବର୍ତ୍ତମାନ ସମୟରେ ଏନସିବି ବା ନର୍କଟିକସ କଣ୍ଟ୍ରୋଲ ବ୍ୟୁରୋ ଅଧୀନରେ ଥିବା ବେଳେ ତାଙ୍କୁ ଭାୟଖଲା ଜେଲରେ ରଖାଯାଇଛି । ପଚରାଉଚୁରା ସମୟରେ ରିୟା ସ୍ୱୀକାର କରିଛନ୍ତିଯେ, ସେ ଡ୍ରଗ୍ସ କାରବାରରେ ଲିପ୍ତ ରହିବା ସହ ନିଜେ ମଧ୍ୟ ସେବନ କରୁଥିଲେ ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Knews Odisha
Top