ଛତିଶଗଡ଼ : ଛତିଶଗଡ଼ ରତନପୁର ଅଞ୍ଚଳରେ ପେଣ୍ଡରୱା ଗ୍ରାମ ପଞ୍ଚାୟତରେ ହୃଦୟ ବିଦାରକ ଘଟଣା ଘଟିଛି । ଘରେ ପଶି କିଛି ଦୁବୃର୍ତ୍ତ ଧାରୁଆ ଅସ୍ତ୍ରରେ ଆକ୍ରମଣ କରିଛନ୍ତି । ଏଥିରେ ଜଣେ ବୟସ୍କା ମହିଳାଙ୍କ ମୃତ୍ୟୁ ହୋଇଛି ।
ରତନପୁରରେ ପେଣ୍ଡରୱା ଗ୍ରାମପଞ୍ଚାୟତରେ ଥିବା ଗୋଟିଏ ଘରେ କିଛି ଦୁବୃର୍ତ୍ତ ପଶି ମରଣାନ୍ତକ ଆକ୍ରମଣ କରିଥିଲେ ।
ଫଳରେ ଘରେ ଥିବା ବୟସ୍କା ମହିଳା ଜଣକର ଜୀବନ ଚାଲିଯାଇଥିଲା । ଘଟଣାରେ ମୋଟ୍ ୯ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଛି । ଘଟଣା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି ।
ଆହତ ମାନଙ୍କ ମଧ୍ୟରେ ରେହାନା ବେଗମ, ଶହନାମ ବେଗମ, ଶେଖ ସୁହାନ, ପରୀ ପରଓ୍ବିନ, ଅଲିଶା ପରୱିନ, ଆହିସ୍ତା ପରୱିନ, ସନା ପରୱିନ ଏବଂ ଶେଖ ସବ୍ବିର ସାମିଲ ରହିଛନ୍ତି । ସମସ୍ତ ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି । ସେମାନଙ୍କର ଚିକିତ୍ସା ଚାଲିଛି । ତେବେ ଘଟଣା ପରେ ସ୍ଥାନୀୟ ଅଞ୍ଚଳରେ ଲୋକମାନେ ଭୟଭୀତ ରହିଛନ୍ତି ।