ଏନ୍ ଏସ୍ ଏସ୍ ଲିଆଜନ୍ ଅଫିସର ଡ. ସ୍ମୃତି ରଞ୍ଜନ ଦାସ ସ୍ୱାଗତ ଭାଷଣ ଦେଇଥିଲେ । କାର୍ଯ୍ୟକ୍ରମ ଅବସରରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୀଧାସଳଖ ବାର୍ତ୍ତାର ପ୍ରସାରଣ କରାଯାଇଥିଲା । ପ୍ରଧାନମନ୍ତ୍ରୀ ଏହି ଭିଡିଓ କନଫରେନ୍ସ ମାଧ୍ୟମରେ ଖେଳ କେବଳ ମେଡାଲ ଜିତିବା ନୁହେଁ, ବରଂ ବିକଶିତ ଭାରତ ଗଠନ କରିବାର ଏକ କାର୍ଯ୍ୟକ୍ରମ ବୋଲି କହିଛନ୍ତି । ସେହିଭଳି ଆସନ୍ତା ଆମ୍ପିକ୍ସ ୨୦୩୬ ର ସବୁ ଖେଳରେ ପ୍ରତିଯୋଗିତାରେ ଭାଗିଦାରିତା ସହ ଆଜି ଠାରୁ ପ୍ରସ୍ତୁତି ଆରମ୍ଭ କରିବା ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବର୍ତ୍ତମାନ ୫ ରୁ ୧୫ ବର୍ଷର ଖେଳାଳିଙ୍କ ଅନୁସନ୍ଧାନ ପାଇଁ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ କରିବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି ଭିଡିଓ କନଫରେନ୍ସ ମାଧ୍ୟମରେ କହିଛନ୍ତି ମୋଦି ।

ସରକାର ଖେଳକୁ ନେଇ କେତେ ଗମ୍ଭୀର ତାହାର ଏକ ଉଦାହରଣ ହେଉଛି ଆଜିର ଖେଲୋ ଇଣ୍ଡିଆ ଯୁବ ସମ୍ବାଦ କାର୍ଯ୍ୟକ୍ରମ ବୋଲି କହିଛନ୍ତି ମୋଦି । ଏହା ଦେଶକୁ ଯୋଡ଼ିବା ସହ ଖେଳର ସର୍ବାଙ୍ଗୀନ ଉନ୍ନତି କରିବା କ୍ଷେତ୍ରରେ ସହାୟକ ହେବ । ଏହି କାର୍ଯ୍ୟକ୍ରମରେ ଯୁବକଙ୍କ କଥା ଶୁଣି ପଲିସି ରୁ କାର୍ଯ୍ୟକାରୀ ହେବାର ସ୍ତରକୁ ସମ୍ପୂର୍ଣ୍ଣ କରାଯିବ । ସମାଜରେ ଭାଗିଦାରୀ ହେଉଛି ପ୍ରତି ଯୁବବର୍ଗ ଙ୍କ କର୍ତ୍ତବ୍ୟ ବୋଲି କହିଛନ୍ତି ମୋଦି । ଦେଶର ପ୍ରଧାନମନ୍ତ୍ରୀ ମୋଦିଙ୍କ ଏହି ସଂକଳ୍ପକୁ ପୂରଣ କରୁଛି କିଟ୍ ବିଶ୍ୱବିଦ୍ୟାଳୟ ବୋଲି କହିଛନ୍ତି କ୍ରୀଡ଼ା ମହାନିର୍ଦ୍ଦେଶକ ଗଗନେନ୍ଦୁ ଦାସ ।

କିଟ୍ ପ୍ରତିଷ୍ଠାତା ପ୍ରଫେସର ଡ଼ ଅଚ୍ୟୁତ ସାମନ୍ତ ଏଥିପାଇଁ କିଟ୍ ବିଶ୍ୱବିଦ୍ୟାଳୟରେ ସମସ୍ତ ପ୍ରକାରର କ୍ରୀଡ଼ା ଭିତ୍ତିଭୂମି ପ୍ରସ୍ତୁତ କରିଛନ୍ତି, ଯାହଯୋଗୁ ବିଶ୍ୱ ସ୍ତରରେ ଆଜି କିଟ୍ ର ଛାତ୍ରଛାତ୍ରୀ ଭଲ କ୍ରୀଡ଼ା ପ୍ରଦର୍ଶନ କରୁଛନ୍ତି ବୋଲି କହିଛନ୍ତି ଶ୍ରୀ ଦାସ । ଏଥିପାଇଁ ଡକ୍ଟର ଅଚ୍ୟୁତ ସାମନ୍ତଙ୍କୁ ସେ ଧନ୍ୟବାଦ ଦେଇଛନ୍ତି ।