ଫୋନ୍ ନିକଟରେ ରହିଲେ ନୋଟିଫିକେସନ୍, କଲ୍ କିମ୍ବା ମେସେଜ୍ ଆସିଲେ ତୁରନ୍ତ ଦେଖିବାର ଅଭ୍ୟାସ ମଧ୍ୟ ଥାଏ । ଫଳରେ ନିଦରେ ବାରମ୍ବାର ବାଧା ସୃଷ୍ଟି ହୋଇପାରେ । ଆଉ ଏକ ବଡ଼ ସମସ୍ୟା ହେଉଛି ସ୍କ୍ରିନ୍ ଟାଇମ୍ । ଶୋଇବା ପୂର୍ବରୁ ଦୀର୍ଘ ସମୟ ଧରି ରିଲ୍ସ, ଭିଡିଓ କିମ୍ବା ସୋସିଆଲ୍ ମିଡିଆ ଦେଖିଲେ ଆପଣଙ୍କ ମସ୍ତିଷ୍କ ଆରାମ କରିବା ପରିବର୍ତ୍ତେ ସକ୍ରିୟ ରହିଥାଏ । ସ୍କ୍ରିନ୍ର ଲାଇଟ୍ ମଧ୍ୟ ଶରୀରର ସ୍ୱାଭାବିକ ନିଦକୁ ଜାଗ୍ରତ କରିଥାଏ । ଏହାର ପରିଣାମରେ ରାତିରେ ଶୋଇବାରେ ବିଳମ୍ବ ଏବଂ ସକାଳେ ଉଠିବା ପରେ ଥକାପଣ ଅନୁଭବ ହୋଇପାରେ ।

ଲଗାତାର ଫୋନ୍ ସ୍କ୍ରିନ୍ ଦେଖିବା ଦ୍ୱାରା ଆଖିରେ ମଧ୍ୟ ଚାପ ପଡ଼ିପାରେ । ଆଖି ଶୁଖିଲା ଲାଗିବା, ଜ୍ୱଳନ, ଥକାପଣ କିମ୍ବା କିଛି ସମୟ ପାଇଁ ଅସ୍ପଷ୍ଟ ଦେଖାଯିବା ଭଳି ସମସ୍ୟା ହୋଇପାରେ । ତେଣୁ ଦୀର୍ଘ ସମୟ ସ୍କ୍ରିନ୍ ଦେଖିବା ଅନୁଚିତ୍ । ବରଂ ଫୋନ୍ ଚଲାଉଥିବା ବେଳେ କିଛି ସମୟ ପାଇଁ ବ୍ରେକ୍ ନେବା ଜରୁରୀ ।ଏଥିପାଇଁ ଏକ ସହଜ ଅଭ୍ୟାସ କରିପାରିବେ । କିଛି ସମୟ ଫୋନ୍ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ । ଯାହା ଆଖିକୁ କିଛି ସମୟ ଆରାମ ଦେବାରେ ସହାୟକ ହୋଇପାରେ । ରାତିରେ ଫୋନ୍ ବ୍ୟବହାର କରିବା ସମୟରେ ବ୍ରାଇଟନେସ୍ କମ୍ ରଖନ୍ତୁ । ଫୋନ୍ରେ ଥିବା night mode କିମ୍ବା blue-light reduction feature ବ୍ୟବହାର କରିପାରିବେ । ତେବେ ସବୁଠାରୁ ଭଲ ହେଉଛି ଶୋଇବା ପୂର୍ବରୁ କିଛି ସମୟ ଫୋନ୍ଠାରୁ ଦୂରେ ରହିବା ଉଚିତ୍ ।

ଏବେ ଫୋନ୍ କେଉଁଠି ରଖି ଶୋଇବା ଭଲ ଆସନ୍ତୁ ଜାଣିବା । ଫୋନ୍କୁ ତକିଆ ତଳେ ରଖିବା ପରିବର୍ତ୍ତେ ବିଛଣାଠାରୁ କିଛି ଦୂରରେ ଏକ ଖୋଲା ଏବଂ ସୁରକ୍ଷିତ ସ୍ଥାନରେ ରଖନ୍ତୁ । ବିଶେଷକରି ଚାର୍ଜରରେ ଲାଗିଥିବା ଫୋନ୍କୁ ତକିଆ କିମ୍ବା କମ୍ବଳ ତଳେ ରଖନ୍ତୁ ନାହିଁ । ଏହି ସ୍ଥାନରେ ରଖିବା ଦ୍ବାରା ଫୋନ୍ ଗରମ ହୋଇ ଆପଣଙ୍କୁ କ୍ଷତି ପହଞ୍ଚାଇଥାଏ । ଯଦି ଫୋନ୍ ନିଶା କମାଇବାକୁ ଚାହୁଁଛନ୍ତି, ରାତିରେ Do Not Disturb କିମ୍ବା silent mode ଚାଲୁ କରନ୍ତୁ । ଆଲାର୍ମ ପାଇଁ ଅଲଗା alarm clock ବ୍ୟବହାର କରିପାରନ୍ତି । ଶୋଇବା ପୂର୍ବରୁ ରିଲ୍ସ ଦେଖିବା ବଦଳରେ ବହି ପଢ଼ିବା, ହାଲୁକା ସଙ୍ଗୀତ ଶୁଣିବା କିମ୍ବା କିଛି ସମୟ ଆରାମ କରିବାର ଅଭ୍ୟାସ କରନ୍ତୁ ।

ତେବେ ଗୋଟିଏ କଥା ମନେ ରଖନ୍ତୁ ସକାଳୁ ଉଠିବା ପରେ ବାରମ୍ବାର ମୁଣ୍ଡବିନ୍ଧା, ଆଖି ଯନ୍ତ୍ରଣା କିମ୍ବା ଦୃଷ୍ଟି ସମସ୍ୟା ହେଲେ ଏହାର କାରଣ କେବଳ ମୋବାଇଲ୍ ବୋଲି ଧରିନେବା ଠିକ୍ ନୁହେଁ । ଏପରି ସମସ୍ୟା ଲଗାତାର ରହିଲେ ଡାକ୍ତର କିମ୍ବା ଆଖି ବିଶେଷଜ୍ଞଙ୍କ ପରାମର୍ଶ ନିଅନ୍ତୁ । ଛୋଟ ଛୋଟ ଅଭ୍ୟାସରେ ପରିବର୍ତ୍ତନ ଆଣି, ଫୋନ୍କୁ ଆମ ଜୀବନର ନିୟନ୍ତ୍ରକ ନୁହେଁ, ବରଂ ଆବଶ୍ୟକତାର ଏକ ଉପକରଣ କରିବା ହିଁ ସବୁଠାରୁ ଭଲ ଉପାୟ ।

Morning Breakfast: ଶରୀରକୁ ସୁସ୍ଥ ରଖେ ସକାଳର ବ୍ରେକ୍ ଫାଷ୍ଟ, ଜାଣନ୍ତୁ କ'ଣ ଖାଇବା ଉଚିତ୍ ଓ ଅନୁଚିତ୍