ସ୍ୱାଧୀନତା ଦିବସ ପୂର୍ବରୁ ତ୍ରିରଙ୍ଗାରେ ରଙ୍ଗିନ ହେବ ସାରା ଓଡିଶା। ଘରେ ଘରେ ପାଳନ ହେବ ହର ଘର ତ୍ରିରଙ୍ଗା କାର୍ଯ୍ୟକ୍ରମ । ଅଗଷ୍ଟ ୯ରୁ ୧୭ ତାରିଖ ଯାଏଁ ଚାଲିବ ଦେଶଭକ୍ତିର ଏହି ଅଭିଯାନ। ସରକାରୀ କାର୍ଯ୍ୟାଳୟଠାରୁ ଆରମ୍ଭ କରି ସ୍କୁଲ, ମେଡିକାଲ, ରେଳ ଷ୍ଟେସନ ଯାଏଁ ସବୁଠି ଦେଖିବାକୁ ମିଳିବ ତ୍ରିରଙ୍ଗାର ଝଲକ। ରାଜ୍ୟରେ ଜୋରଦାର ଭାବେ ପାଳନ ହେବ ହର ଘର ତ୍ରିରଙ୍ଗା କାର୍ଯ୍ୟକ୍ରମ ।
ଏନେଇ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ସମସ୍ତ ଜିଲ୍ଲାପାଳ ଓ ବିଭିନ୍ନ ବିଭାଗର ପ୍ରମୁଖ ଶାସନ ସଚିବଙ୍କୁ ଚିଠି ଲେଖି କାର୍ଯ୍ୟକ୍ରମର ରୂପରେଖା ବିଷୟରେ ଅବଗତ କରାଯାଇଛି ।ରାଜ୍ୟରେ ବିଭିନ୍ନ ସ୍ଥାନରେ ହେବାକୁ ଥିବା ସମସ୍ତ କାର୍ଯ୍ୟକ୍ରମ ସମ୍ପର୍କରେ ଗଣମାଧ୍ୟମକୁ ମଧ୍ୟ ଅବଗତ କରାଯିବ ।