ବାଙ୍କୀ : ବାଙ୍କୀ ପାଥପୁରରେ ବୁଲୁଛି ଗୋଟିକିଆ ଦନ୍ତା । ଚନ୍ଦକା ଡମପଡ଼ା ଅଭୟାରଣ୍ୟରୁ ହାତୀ ପଲ ଆସିଥିଲେ । ପାଥପୁର ଠାରେ ବୁଲି ଫସଲ ଖାଇବା ସହ ଦଳିଚକଟି ନଷ୍ଟ କରିଥିଲେ । ଫସଲ ନଷ୍ଟ ହେବାରୁ ଚାଷୀମାନେ ଚିନ୍ତାରେ ପଡ଼ିଛନ୍ତି ।
ପରେ ହାତୀପଲ ଧାନ ଜମିରେ ପାଣି ଭିତରକୁ ପଶି ପୁଣି ଚନ୍ଦକା-ଡମପଡ଼ା ଅଭୟାରଣ୍ୟ ଆଡ଼କୁ ଫେରିଯାଇଥିଲେ ।
କିନ୍ତୁ ଗୋଟିଏ ଦନ୍ତା ହାତୀ ଦଳଠାରୁ ଅଲଗା ହୋଇଯାଇଥିଲା । ଏହି ଦନ୍ତା କଟକ-ବାଙ୍କୀ ମୁଖ୍ୟ ରାସ୍ତା ପାର ହେବା ସମୟରେ କିଛି ସମୟ ପାଇଁ ଯାତାୟାତ ପ୍ରଭାବିତ ହୋଇଥିଲା । ହାତୀ ଭୟରେ ରାସ୍ତାର ଉଭୟ ପାର୍ଶ୍ୱରେ ଲୋକେ ଅଟକି ରହିଥିଲେ ଏବଂ ପରିସ୍ଥିତିକୁ ନେଇ ଆତଙ୍କ ଦେଖାଦେଇଥିଲା । ଏବେ ହାତୀଟି ଗାଁ ଠାରୁ ଦୂରରେ ରହିଛି ।
ଅନ୍ୟପଟେ ଦନ୍ତା ହାତୀଟି ଖୁବ୍ ଶୀଘ୍ର ଅଭୟାରଣ୍ୟକୁ ଫେରି ଯିବ ବୋଲି ଡମପଡ଼ା ରେଞ୍ଜର ସୂଚନା ଦେଇଛନ୍ତି । ଏଥିସହ ବନ ବିଭାଗର କର୍ମଚାରୀମାନେ ହାତୀର ଗତିବିଧି ଉପରେ ନଜର ରଖିବା ସହ ଏପରି ସ୍ଥିତିରେ ବନ ବିଭାଗ ଲୋକଙ୍କୁ ସତର୍କ ରହିବାକୁ ଅନୁରୋଧ କରିଛି ।