Dailyhunt Logo
  • Light mode
    Follow system
    Dark mode
    • Play Story
    • App Story
ହାଇଦ୍ରାବାଦ ମେଟା ଅଫିସରେ ଯୁବ କଂଗ୍ରେସର ଭଙ୍ଗାରୁଜା

ହାଇଦ୍ରାବାଦ ମେଟା ଅଫିସରେ ଯୁବ କଂଗ୍ରେସର ଭଙ୍ଗାରୁଜା

ନନ୍ଦିଘୋଷ ବ୍ୟୁରୋ: ହାଇଦ୍ରାବାଦର ମେଟା ଅଫିସରେ କଂଗ୍ରେସ କର୍ମୀଙ୍କ ଭଙ୍ଗାରୁଜା । ଫୁଲକୁଣ୍ଡ ଫିଙ୍ଗିବା ସହ ଭଙ୍ଗାରୁଜା କରିଛନ୍ତି ସେମାନେ। ଯୁବ କଂଗ୍ରେସର ଦୁଇ ଜଣ ନେତାଙ୍କ ସୋସିଆଲ ମିଡିଆ ଆକାଉଣ୍ଟ ଉପରେ ମେଟା କଟକଣା ଲଗାଇଥିବାରୁ ଏପରି ପ୍ରତିବାଦ କରାଯାଇଛି। ରାଜ୍ୟ ସଭାପତି ଶିବଚରଣ ରେଡ୍ଡୀଙ୍କ ନେତୃତ୍ୱରେ ଭାରତୀୟ ଯୁବ କଂଗ୍ରେସ (IYC) କର୍ମୀମାନେ ମେଟା ଏବଂ ବିଜେପି ନେତୃତ୍ୱାଧୀନ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ।

ସୋସିଆଲ ମିଡିଆ ପ୍ଲାଟଫର୍ମରେ ରାଜନୈତିକ ହସ୍ତକ୍ଷେପ ହେଉଥିବା ଅଭିଯୋଗ କରିବା ସହ କିଛି ପୋଷ୍ଟକୁ ପୁନଃ ପ୍ରକାଶ କରିବାକୁ ସେମାନେ ଦାବି କରିଥିଲେ।

ଭାଇରାଲ ହୋଇଥିବା ଭିଡିଓରେ ଆନ୍ଦୋଳନକାରୀମାନେ ମେଟା କାର୍ଯ୍ୟାଳୟର କରିଡର ଏବଂ କ୍ୟାଫେଟେରିଆ ନିକଟରେ ଦୌଡ଼ାଦୌଡ଼ି କରୁଥିବା ଦେଖାଯାଇଛି। କିଛି କର୍ମୀ ଫୁଲକୁଣ୍ଡ ଭାଙ୍ଗୁଥିବା ମଧ୍ୟ ଦେଖାଯାଇଛି। ଭାରତୀୟ ଯୁବ କଂଗ୍ରେସ ଏକ୍ସ (X)ରେ ଏକ ପୋଷ୍ଟ କରି ମେଟାକୁ ନିଜର ମେରୁଦଣ୍ଡ ସଳଖ କରିବାକୁ ଆହ୍ୱାନ ଦେଇଛି। ଏହା ସହିତ କଟକଣା ଲଗାଯାଇଥିବା ଆକାଉଣ୍ଟ ଏବଂ ପୋଷ୍ଟଗୁଡ଼ିକୁ ପୁନଃ କାର୍ଯ୍ୟକ୍ଷମ କରିବା ପାଇଁ ସାତ ଦିନର ମହଲତ ଦେଇଛି। ଦାବି ପୂରଣ ନହେଲେ ଅଦାଲତ, ରାସ୍ତା ଏବଂ କାର୍ଯ୍ୟାଳୟରେ ମଧ୍ୟ ଆନ୍ଦୋଳନକୁ ତୀବ୍ର କରାଯିବ ବୋଲି ଚେତାବନୀ ଦେଇଛି। ଯୁବ କଂଗ୍ରେସର ଜାତୀୟ ସଭାପତି ଉଦୟ ଭାନୁ ଚିବ୍ ଏବଂ ଜାତୀୟ ପ୍ରଭାରୀ ମନୀଷ ଶର୍ମାଙ୍କ ସୋସିଆଲ ମିଡିଆ ଆକାଉଣ୍ଟ ଉପରେ ମେଟା କଟକଣା ଲଗାଇଥିଲା।

Dailyhunt
Disclaimer: This content has not been generated, created or edited by Dailyhunt. Publisher: Nandi Ghosa TV