Sunday, 24 Jan, 5.49 pm ନନ୍ଦିଘୋଷ TV

ହୋମପେଜ୍
କୃଷକଙ୍କ ସ୍ୱରକୁ ଚପାଇ ଦେବାକୁ ଚାହୁଁଛି ବିଜେପି: କମଳନାଥ

ଇନ୍ଦୋର: ମଧ୍ୟପ୍ରଦେଶରେ କଂଗ୍ରେସ ପକ୍ଷରୁ ଆୟୋଜିତ କୃଷକ ଆନ୍ଦୋଳନ ବିରୋଧରେ ପୋଲିସ କାର୍ଯ୍ୟାନୁଷ୍ଠାନ । କେନ୍ଦ୍ର ସରକାରଙ୍କ ୩ ନୂଆ କୃଷି ଆଇନ ବିରୋଧରେ ବିକ୍ଷୋଭ ପ୍ରଦର୍ଶନ ବେଳେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ । ଯାହାକୁ ନେଇ ବିଜେପିକୁ ଟାର୍ଗେଟ କରିଛନ୍ତି ମଧ୍ୟପ୍ରଦେଶ ପ୍ରଦେଶ କଂଗ୍ରେସ ସଭାପତି କମଳନାଥ । ସେ କହିଛନ୍ତି, ସରକାର କୃଷକଙ୍କ ସ୍ୱରକୁ ଚପାଇଦେବାକୁ ଚାହୁଁଛନ୍ତି ।

ଶନିବାର ଅନୁଷ୍ଠିତ କୃଷକ ଆନ୍ଦୋଳନର ନେତୃତ୍ୱ ନେଇଥିଲେ ପ୍ରଦେଶ କଂଗ୍ରେସ ସଭାପତି କମଳନାଥ । ଇନ୍ଦୋରଠାରୁ ୫୦ କିଲୋମିଟର ଦୂର ଦୀପାଲପୁରଠାରେ ଅନୁଷ୍ଠିତ ବିକ୍ଷୋଭ ପ୍ରଦର୍ଶନରେ ଟ୍ରାକ୍ଟର ରାଲି ହୋଇଥିଲା । ଯେଉଁଥିରେ ସେ ନିଜେ ଟ୍ରାକ୍ଟର ଚଳାଉଥିବା ଦେଖିବାକୁ ମିଳିଥିଲା । ତେବେ ଶନିବାର ଅନୁଷ୍ଠିତ ଏହି ଆନ୍ଦୋଳନରେ ପୋଲିସ ଓ କଂଗ୍ରେସ କର୍ମୀ ମୁହାଁମୁହିଁ ହୋଇଥିଲେ । କଂଗ୍ରେସକର୍ମୀ ମାନେ ରାଜଧାନୀ ମୁହାଁ ହୋଇଥିବା ବେଳେ ପୋଲିସ ପକ୍ଷରୁ ପାଣି ମାଡ଼ କରାଯିବା ସହ ଟିୟର ଗ୍ୟାସ୍ ମାଡ଼ କରାଯାଇଥିବା ଅଭିଯୋଗ ହୋଇଛି ।

ଏଥିସହିତ ପଢ଼ନ୍ତୁ: ଗଣତନ୍ତ୍ର ଦିବସ ପାଇଁ ବଢ଼ିଲା ସୁରକ୍ଷା: ଆତଙ୍କବାଦୀ ଆକ୍ରମଣ ଆଶଂକା

ପୋଲିସର ଏଭଳି କାର୍ଯ୍ୟ ନେଇ ମଧ୍ୟପ୍ରଦେଶ ବିଜେପିକୁ ନିନ୍ଦା କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ କମଳନାଥ । ସରକାର କୃଷି କ୍ଷେତ୍ରର ୩ ନୂଆ କୃଷି ଆଇନ ବଳରେ ଘରୋଇକରଣ କରିବାକୁ ଚାହୁଁଥିବା ସେ କହିଛନ୍ତି । ଏଣୁ ଲକ୍ଷ ଲକ୍ଷ ଚାଷୀ ଏହି କୃଷି ଆଇନ ବିରୋଧରେ ବିକ୍ଷୋଭ ପ୍ରଦର୍ଶନ କରୁଛନ୍ତି । ଏହି ଆଇନ ଆମ ଦେଶର ଅର୍ଥନୀତିକୁ ବରବାଦ୍ କରିଦେବ । ଏଥିସହିତ ନକଲି ମଦ ପିଇ ୨୪ ଜଣଙ୍କ ମୃତ୍ୟୁ ଘଟଣାରେ ମଧ୍ୟ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୈହାନଙ୍କୁ ତୀବ୍ର ନିନ୍ଦା କରିଛନ୍ତି ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Nandi Ghosa TV
Top