Sunday, 24 Jan, 4.25 pm ନନ୍ଦିଘୋଷ TV

ହୋମପେଜ୍
ଓପନିଂ ବ୍ୟାଟିଂ ପାଇଁ ଆଗ୍ରହ ପ୍ରକାଶ କଲେ ଓ୍ୱାସିଂଟନ ସୁନ୍ଦର: କହିଲେ, ଏହା ମୋ ପାଇଁ ଆଶୀର୍ବାଦ ହେବ

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳ ପାଇଁ ଟେଷ୍ଟ କ୍ରିକେଟରେ ଓପନିଂ କରିବାକୁ ଆଗ୍ରହ ପ୍ରକାଶ କରିଛନ୍ତି ଯୁବ ସ୍ପିନର ଓ୍ୱାସିଂଟନ ସୁନ୍ଦର । ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀଙ୍କ ଠାରୁ ପ୍ରେରଣା ପାଇଁ ଟେଷ୍ଟ କ୍ରିକେଟରେ ଭାରତୀୟ ଦଳ ପାଇଁ ଓପନିଂ କରିବାକୁ ଆଗ୍ରହ ପ୍ରକାଶ କରିବା ସହ ଏଭଳି କରିବାକୁ ମିଳିବା ତାଙ୍କ ବଡ଼ ଆଶୀର୍ବାଦ ହେବ ବୋଲି ସେ କହିଛନ୍ତି ।

ସଦ୍ୟ ସମାପ୍ତ ଅଷ୍ଟ୍ରେଲିଆ ଗସ୍ତ ସମୟରେ କୋଚ ରବି ଶାସ୍ତ୍ରିଙ୍କ ସହ ଅନେକ ଆଲୋଚନା କରିଥିଲେ ଯୁବ ତାରକା ଓ୍ୱାସିଂଟନ । ଆଲୋଚନାରେ ଶାସ୍ତ୍ରି ନିଜ କ୍ୟାରିୟର ଉତ୍ଥାନ ଓ ପତନ ସମ୍ପର୍କରେ ସୁନ୍ଦରଙ୍କୁ କହିଥିଲେ । ଶାସ୍ତ୍ରି କହିଥିଲେ ସେ ମଧ୍ୟ ଭାରତୀୟ ଦଳରେ ସ୍ପିନର ଭାବେ ସ୍ଥାନ ପାଇଥିଲେ । ପ୍ରଥମ ମ୍ୟାଚ୍‌ରେ ୪ଟି ଓ୍ୱିକେଟ ନେଇଥିବା ବେଳେ ପରବର୍ତ୍ତୀ ସମୟରେ ଟେଷ୍ଟ ଟିମ୍ ପାଇଁ ଓପନିଂ କରିଥିଲେ । ରବି ଶାସ୍ତ୍ରିଙ୍କ କ୍ୟାରିୟର ସମ୍ପର୍କରେ ଜାଣିବା ପରେ ସୁନ୍ଦରଙ୍କ ମନରେ ମଧ୍ୟ ଆତ୍ମବିଶ୍ୱାସ ବଢ଼ିଛି । ସେ ମଧ୍ୟ ଭାରତୀୟ ଦଳ ପାଇଁ ଟେଷ୍ଟ କ୍ରିକେଟରେ ଓପନିଂ କରିବା ନେଇ ଆଶା ପ୍ରକାଶ କରିଛନ୍ତି ।

ଏଥିସହିତ ପଢ଼ନ୍ତୁ: ଗଡ଼କରୀଙ୍କ ଚେତାବନୀ: ଷ୍ଟିଲ୍ ଦର ହ୍ରାସ ନକଲେ ସିନ୍ଥେଟିକ୍ ଫାଇବରର ବ୍ୟବହାରକୁ ଦିଆଯିବ ଅନୁମତି

ଉଲ୍ଲେଖ ଥାଉ କି,ଓ୍ୱାସିଂଟନ ସୁନ୍ଦର ଅଣ୍ଡର-୧୯ ଖେଳିବା ସମୟରେ ଟପ୍ ଅର୍ଡର ବ୍ୟାଟ୍ସମ୍ୟାନ୍ ଭାବେ ଭଲ ପ୍ରଦର୍ଶନ କରିଛନ୍ତି । ଅଷ୍ଟ୍ରେଲିଆ ଗସ୍ତ ବେଳେ ଗାବ୍ବା ଟେଷ୍ଟରେ ସେ ଲଢ଼ୁଆ ୬୨ ରନ୍ କରିଥିଲେ ଯାହା ଭାରତକୁ ମ୍ୟାଚ୍‌ରେ ଜୀବିତ ରଖିଥିଲା । ଏଥିସହିତ ମ୍ୟାଚ୍ ଶେଷ ଆଡ଼କୁ ସେ କରିଥିବା ଦ୍ରୁତତମ୍ ୨୨ ରନ୍ ମ୍ୟାଚ୍ ବିଜୟରେ ସହାୟକ ହୋଇଥିଲା ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Nandi Ghosa TV
Top