ଏହି ପ୍ରସଙ୍ଗ ଖଡ଼ଗେ ଉଠାଇବା ପରେ ଏହାକୁ ନେଇ ନଡ୍ଡା ଦୁର୍ଭାଗ୍ୟଜନକ ବୋଲି କହିବା ସହ ବିଜେପି ଏହି କାମକୁ ସମର୍ଥନ କରେ ନାହିଁ ବୋଲି କହିଥିଲେ। ଏହି ପ୍ରସଙ୍ଗକୁ ନେଇ ବି ଉତ୍ତରାଖଣ୍ଡରେ ବାଦ ବିବାଦ ମୁଣ୍ଡ ଟେକିଛି। ଖଡଗେ ଜଣେ ଦଳିତ ନେତା ହୋଇଥିବାରୁ ତାଙ୍କ ପ୍ରତି ଅନ୍ୟାୟ କରାଯାଇଛି ବୋଲି ଅଭିଯୋଗ କରିଥିଲେ ଖଡଗେ। ରାଜ୍ୟସଭାରେ ଖଡଗେ କହିଥିଲେ ଯେ, ଗତ ଅଗଷ୍ଟ ୮ ତାରିଖରେ ସେ ରାମଲୀଳା ଗ୍ରାଉଣ୍ଡରେ ଉଦବୋଧନ ଦେଇଥିଲେ।

ମାତ୍ର ଏହାର ୨ ଦିନ ପରେ ସେଠାରେ ବିଜେପି କର୍ମୀମାନେ ଶୁଦ୍ଧିକରଣ କରିଥିଲେ। ସେହି ସମାବେଶରେ ଲକ୍ଷାଧିକ ଲୋକ ଯୋଗଦେଇଥିଲେ। ସେ କୌଣସି ସମ୍ପ୍ରଦାୟ ବା ଧର୍ମର ନାଁ ନେଇ ନଥିଲେ। ଉତ୍ତରାଖଣ୍ଡରେ ଲୋକମାନେ ଭୋଗୁଥିବା ସମସ୍ୟା ସମ୍ପର୍କରେ ସେ ଭାଷଣରେ କହିଥିଲେ। ମାତ୍ର ଭାଷଣ ସରିବା ପରେ ବିଜେପି କର୍ମୀମାନେ ପଡିଆକୁ ଶୁଦ୍ଧିକରଣ କରିଥିଲେ