Sunday, 19 Jan, 10.10 pm NEWS7

ହୋମ
ଦଣ୍ଡକାରଣ୍ୟ ରାଜ୍ୟ ଗଠନର ଧମକ ଦେଲେ ବିଧାୟକ ତାରା ବାହିନୀପତି- କହିଲେ ସରକାର ପଶ୍ଚିମ ଓଡିଶାକୁ ଗେହ୍ଲା କରୁଛନ୍ତି

ଜୟପୁର/କେନ୍ଦ୍ରାପଡା ୧୯।୦୧ - ବିଧାୟକ ତାରା ବାହିନୀପତିଙ୍କ ଅଭିମାନ। ରାଜ୍ୟ ସରକାର ପଶ୍ଚିମ ଓଡିଶାକୁ ଗେହ୍ଲା କରୁଛନ୍ତି । କୋରାପୁଟ ଜିଲ୍ଲାକୁ ଉପେକ୍ଷା କରୁଛନ୍ତି । ତାରା ଖାଲି ଏଇଠି ଅଟକିନାହାନ୍ତି ଏଥର ଦଣ୍ଡକାରଣ୍ୟ ରାଜ୍ୟ ଗଠନର ଧମକ ଦେଇଛନ୍ତି।

ଅବିଭକ୍ତ କୋରାପୁଟ ଜିଲ୍ଲାର ବିକାଶ ପାଇଁ ଏହା ଏକ ମାତ୍ର ବିକଳ୍ପ ବୋଲି କହିଛନ୍ତି । ଏକ ପବ୍ଲିକ୍ ମିଟିଂରେ ରାଜ୍ୟକୁ ଭାଗ ଭାଗ କରିବାର ତାରା ବାହିନୀପତି ନିଜର ପଲିଟିକାଲ ପାଶା ପକେଇଛନ୍ତି।

ପ୍ରଶ୍ନ ଉଠୁଛି, ତାରା ୪ ଥରର ବିଧାୟକ। ଆଉ ଏବେ ତାଙ୍କର ଏମିତି ଦଏମିତି କହିଲେ କାହିଁକି ? ଏହା ପଛରେ ତାଙ୍କର କି ଉଦେଶ୍ୟ ରହିଛି ? ଏହା ଏକ ପଲିଟିକାଲ ଷ୍ଟଣ୍ଟ ନା ଆଉ କିଛି ? ଶୁଣନ୍ତୁ ତାରା ଆଉ କଣ କଣ କହିଛନ୍ତି।

ଅବସର ଥିଲା ଏକ ସୋସିଆଲ ମିଡିଆ ଗ୍ରୁପର ବନ୍ଧୁମିଳନ କାର୍ଯ୍ୟକ୍ରମ । ଅତିଥି ଥିଲେ ବିଧାୟକ ତାରା ବାହନୀପତି । ସମାନ ମଂଚରେ ଉପସ୍ଥିତ ଥିଲେ ତାରାଙ୍କ ବିଜେଡି ପ୍ରତିଦ୍ବନ୍ଦୀ ରବି ନନ୍ଦ ।

ବାଦ ବିବାଦ ଭୁଲି ଅଞ୍ଚଳର ବିକାଶ ପାଇଁ ରବି ନନ୍ଦଙ୍କ ସହ ହାତ ମିଳାଇଥିଲେ ତାରା । ରବି ନନ୍ଦ ମଞ୍ଚ ଛାଡିବା ପରେ ତାରା ଉଠାଇଥିଲେ ଦଣ୍ଡକାରଣ୍ୟ ରାଜ୍ୟ ଗଠନ କଥା । ତାରାଙ୍କ ଯୁକ୍ତି ହେଲା ପଶ୍ଚିମ ଓଡ଼ିଶାରେ ଷ୍ଟିଲ ପ୍ଳାଣ୍ଟ ଠାରୁ ମେଡିକାଲ କଲେଜ ସବୁ ଅଛି ।

ତଥାପି ହାଇକୋର୍ଟ ସ୍ଥାୟୀ ବେଞ୍ଚ୍ ପାଇଁ ଚାଲିଛି ଦାବି । କିନ୍ତୁ ଦକ୍ଷିଣ ଓଡ଼ିଶା ଅବହେଳା ହୋଇ ରହିଆସିଛି । ତାରାଙ୍କ ବୟାନକୁ ନେଇ କଟାକ୍ଷ କରିଛନ୍ତି ବରିଷ୍ଠ ବିଜେଡି ନେତା ରବି ନନ୍ଦ ।

ତାରା ବାହନୀପତି ଦଣ୍ଡକାରଣ୍ୟ ରାଜ୍ୟ ଗଠନ କରିବେ ଏବଂ କଣ ରାମାୟଣର ସେହି ଦଣ୍ଡକାରଣ୍ୟକୁ ଉଦ୍ଧାର କରି ସେ ଏହାର ରାଜା ହେବାକୁ ଲକ୍ଷ୍ୟ ରଖିଛନ୍ତି କି ନା ରାଜନୀତିର ଏକ ଲଙ୍ଗ ଷ୍ଟ୍ରୋକ ମାରିଛନ୍ତି ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: News 7
Top