ସେଠାରେ ବୈଠକ ସାରି ଫେରିବା ସମୟରେ ଦେଉଳପଦର ଛକରେ କେତେଜଣ ଯୁବକ ତାଙ୍କ କାର୍‌ ଉପରକୁ ଅଣ୍ଡାମାଡ଼ କରିଥିଲେ। ବିଧାୟକ ସେଠାରୁ ଠକପାଲିସ୍ଥିତ ତାଙ୍କ ଫାର୍ମ ହାଉସକୁ ଯାଇଥିଲେ। ଡ୍ରାଇଭର କାର ଧୋଇବା ପରେ ବିଧାୟକ ପୁଣି ତରଭା ବ୍ଲକର କମସରା ଅଭିମୁଖେ ବାହାରିଥିଲେ। ତରଭା ସହରକୁ ପ୍ରବେଶ ସମୟରେ ପୁରୁଣା ବ୍ରିଜ୍‌ ନିକଟରେ ୫ରୁ ୬ଜଣ ଯୁବକ ବିଧାୟକଙ୍କ କାରକୁ ଲକ୍ଷ୍ୟ କରି ପୁଣି ଅଣ୍ଡାମାଡ଼ କରିଥିଲେ।

ଫଳରେ ବିଧାୟକ କମସରା ନ ଯାଇ ପୁଣି ତାଙ୍କ ଫାର୍ମ ହାଉସକୁ ଫେରି ଯାଇଥିଲେ। ତେବେ ଏ ସମ୍ପର୍କରେ ତାଙ୍କ ନିକଟରେ କୌଣସି ସୂଚନା କିମ୍ବା ଅଭିଯୋଗ ନ ଥିବା ତରଭା ଥାନା ଆଇଆଇସି ଡୋଲାମଣି ନାଏକ କହିଛନ୍ତି। ଅନ୍ୟପକ୍ଷେ ତରଭା ସହରରେ ଭାଜପା କାର୍ଯ୍ୟାଳୟ ସମ୍ମୁଖରେ ବିଧାୟକଙ୍କ କାର ଉପରକୁ ଅଣ୍ଡାମାଡ଼ ଘଟଣାକୁ ନେଇ ନାନା ଚର୍ଚ୍ଚା ହେଉଛି। ଘଟଣା ପରେ ବିଧାୟକଙ୍କ ମୋବାଇଲ ସୁଇଚ୍‌ ଅଫ ଥିବାରୁ ତାଙ୍କର ପ୍ରତିକ୍ରିୟା ମିଳିପାରିନି।