ଜେଲ ମୁଖ୍ୟ ଗେଟ ବାହାରେ କଏଦୀ ଝାଡ଼ୁ ମାରୁଥିଲା । ଏହି ସମୟରେ ଜେଲର ନିଜ ଘର ପଟକୁ ଯାଇଥିଲେ । ସେଠାରୁ ଫେରିବା ମଧ୍ୟରେ କଏଦୀ ଫେରାର ହୋଇଯାଇଥିଲା । ସନ୍ଧ୍ୟାରେ ଜେଲର ନୂଆପଡ଼ା ଥାନାରେ ଲିଖିତ ଅଭିଯୋଗ କରିଥିଲେ । ଏହି ଘଟଣାକୁ ୬ ଦିନ ବିତିଯାଇଥିଲେ ବି ପୁଲିସ କଏଦୀକୁ ଧରିପାରିନି ।
ଶନିବାର ଜେଲ ବିଭାଗ ଡିଜି ଶ୍ରୀ ମାଝିଙ୍କୁ କାର୍ଯ୍ୟରେ ଅବହେଳା ପାଇଁ ନିଲମ୍ବନ କରିଛନ୍ତି । ଅତିରିକ୍ତ ଜେଲର ବି. ମଲ୍ଲିକଙ୍କୁ ମାଝିଙ୍କ ଦାୟିତ୍ୱ ଦିଆଯାଇଛି । ସବ୍‌ଜେଲର ସୁରକ୍ଷା ବ୍ୟବସ୍ଥା ଓ କର୍ମଚାରୀଙ୍କ ଦାୟିତ୍ୱକୁ ନେଇ ତଦନ୍ତ ଚାଲିଛି । ଜେଲ ସୁରକ୍ଷା ବଳୟକୁ କଏଦୀ କିପରି ଭେଦ କରିପାରିଲା ଏବଂ ଏଥିରେ କିଏ ଅବହେଳା କରିଛନ୍ତି ତାହାର ତଦନ୍ତ ଚାଲିଛି ।