କେରଳମ୍ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ। ଭାରତୀୟ ପାଣିପାଗ ବିଭାଗ ପକ୍ଷରୁ ଦିଆଯାଇଛି ଏହି ସୂଚନା। ସାଧାରଣତଃ ଜୁନ୍ ୧ ତାରିଖରେ ମୌସୁମୀ ବାୟୁ କେରଳମ୍ ଛୁଇଁଥାଏ। ଚଳିତ ବର୍ଷ ମେ' ୨୬ ତାରିଖରେ ମୌସୁମୀ ବାୟୁ କେରଳମ୍ ଛୁଇଁବ ବୋଲି ଆଇଏମ୍ଡି ପକ୍ଷରୁ ଆକଳନ କରାଯାଇଥିଲା। କିନ୍ତୁ ମୌସୁମୀ ବିଳମ୍ବରେ ଆଜି କେରଳମ୍ ଛୁଇଁଛି।
ଆଜି କେରଳରେ ମୌସୁମୀ ପ୍ରବେଶ କରିବା ପରେ, ଆଗାମୀ କିଛି ଦିନ ମଧ୍ୟରେ ରାଜସ୍ଥାନ, ପଞ୍ଜାବ, ହରିୟାଣା, ଚଣ୍ଡିଗଡ଼, ଦିଲ୍ଲୀ, ମଧ୍ୟପ୍ରଦେଶ, ଛତିଶଗଡ଼, ତେଲଙ୍ଗାନା, ଓଡ଼ିଶା, ଉତ୍ତରାଖଣ୍ଡ ଏବଂ ହିମାଚଳ ପ୍ରଦେଶ ସମେତ ୨୫ଟି ରାଜ୍ୟରେ ବର୍ଷା, ଝଡ଼ବର୍ଷା ଏବଂ ପ୍ରବଳ ପବନ ହେବାର ସମ୍ଭାବନା ରହିଛି। ଓଡ଼ିଶାରେ ଚାରି ଦିନ ଧରି ଝଡ଼ବର୍ଷା ଏବଂ ବଜ୍ରପାତ ହୋଇପାରେ। ରାଜସ୍ଥାନ, ହିମାଚଳ ଏବଂ ଉତ୍ତରାଖଣ୍ଡରେ ପ୍ରବଳ ବର୍ଷା ଏବଂ କୁଆପଥର ବର୍ଷା ହେବା ନେଇ ସତର୍କ କରାଯାଇଛି।
କେରଳରେ ମୌସୁମୀ ପ୍ରବେଶ ଏବଂ ପ୍ରାକ ମୌସୁମୀ କାର୍ଯ୍ୟକଳାପ ଯୋଗୁ ଦିଲ୍ଲୀରେ ମଧ୍ୟ ଦୁଇ ଦିନ ବର୍ଷା ପାଇଁ ୟେଲୋ ସତର୍କତା ଜାରି ରହିବ। ଦିଲ୍ଲୀର ଆକାଶ ସାଧାରଣତଃ ଦୁଇ ଦିନ ପାଇଁ ମେଘୁଆ ରହିବ। ସକାଳ ଏବଂ ସାରେ ଝଡ଼ବର୍ଷା ସହିତ ହାଲୁକା ବର୍ଷା ସମ୍ଭବ। ଘଣ୍ଟା ପ୍ରତି ୪୦-୫୦ କିଲୋମିଟର ବେଗରେ ପ୍ରବଳ ପବନ ବହିବ। ସକାଳରୁ ଅପରାହ୍ନ ପର୍ଯ୍ୟନ୍ତ ଘଣ୍ଟା ପ୍ରତି ୬୦ କିଲୋମିଟର ବେଗରେ ପବନ ବହିପାରେ। ଏହା ପରେ, ପାଗ ସଫା ହୋଇଯିବ ଏବଂ ଗରମ ବଢ଼ିପାରେ।