ଜାତୀୟ ବିପର୍ଯ୍ୟୟ ପ୍ରଶମନ ବଳ (NDRF) ଢାଞ୍ଚାରେ ରାଜ୍ୟରେ ଏହି ପରିବର୍ତ୍ତନ ଆଣିବାକୁ ସରକାରୀ ସ୍ତରରେ ପ୍ରସ୍ତୁତି ଆରମ୍ଭ ହୋଇଛି। ଏହି ପରିବର୍ତ୍ତନ ଫଳରେ ରାଜ୍ୟର ବିପର୍ଯ୍ୟୟ ମୁକାବିଲା ବାହିନୀକୁ କେନ୍ଦ୍ର ସରକାରଙ୍କ SDRF ଗାଇଡଲାଇନ୍ ଅନୁଯାୟୀ ସିଧାସଳଖ ଫାଇଦା ମିଳିପାରିବ। ବାହିନୀକୁ କେନ୍ଦ୍ରୀୟ ପାଣ୍ଠିରୁ ଅଧିକ ଆର୍ଥିକ ଅନୁଦାନ, ଉଦ୍ଧାର କାର୍ଯ୍ୟ ପାଇଁ ଅତ୍ୟାଧୁନିକ ଯନ୍ତ୍ରପାତି ଏବଂ ଯବାନମାନଙ୍କୁ ଉନ୍ନତମାନର ତାଲିମ ଯୋଗାଇ ଦିଆଯିବ। ବାତ୍ୟା, ବନ୍ୟା ଏବଂ ଅନ୍ୟାନ୍ୟ ପ୍ରାକୃତିକ କିମ୍ବା ମନୁଷ୍ୟକୃତ ବିପର୍ଯ୍ୟୟ ସମୟରେ ଲୋକଙ୍କୁ ଉଦ୍ଧାର କରିବା ପ୍ରକ୍ରିୟା ଏହା ଦ୍ୱାରା ଆହୁରି ତ୍ୱରାନ୍ୱିତ ହେବ।

ସୂଚନାଯୋଗ୍ୟ ଯେ, ମହାବାତ୍ୟା ପରେ ଓଡ଼ିଶାରେ ୨୦୦୧ ମସିହାରେ ଓଡ୍ରାଫ୍ (ODRAF) ଗଠନ କରାଯାଇଥିଲା। ଗତ ଦୁଇ ଦଶନ୍ଧିରୁ ଊର୍ଦ୍ଧ୍ୱ ସମୟ ଧରି ଓଡ୍ରାଫ୍ ଯବାନମାନେ ରାଜ୍ୟ ତଥା ରାଜ୍ୟ ବାହାରେ ନିଜର ଦକ୍ଷତା ପ୍ରଦର୍ଶନ କରି ସାରା ଦେଶରେ ଉଚ୍ଚ ପ୍ରଶଂସିତ ହୋଇଛନ୍ତି। ତେବେ ବର୍ତ୍ତମାନର ସମୟ ଅନୁଯାୟୀ ଏହାକୁ ଜାତୀୟ ସ୍ତରର SDRF ନିୟମାବଳୀ ସହ ଯୋଡ଼ିବା ଦ୍ୱାରା ବାହିନୀର କ୍ଷମତା ଏବଂ ପ୍ରଶାସନିକ ସୁବିଧା ସୁଯୋଗ ବୃଦ୍ଧି ପାଇବ। ଏହି ନୂତନ ନାମକରଣ ଏବଂ ପୁନର୍ଗଠନ ପ୍ରକ୍ରିୟା ଖୁବଶୀଘ୍ର କାର୍ଯ୍ୟକାରୀ ହେବା ନେଇ ଆଶା କରାଯାଉଛି। ଏହା ଓଡ଼ିଶାର ବିପର୍ଯ୍ୟୟ ପରିଚାଳନା ଇତିହାସରେ ଏକ ମାଇଲଖୁଣ୍ଟ ସାବ୍ୟସ୍ତ ହେବ।