ଭୁବନେଶ୍ୱର: ମଧ୍ୟପ୍ରାଚ୍ୟରେ ଯୁଦ୍ଧ ଆରମ୍ଭ ହୋଇଯାଇଛି। ଆମେରିକା, ଇସ୍ରାଏଲ ଏବଂ ଇରାନ ମଧ୍ୟରେ ୩୦ ଦିନରୁ ଅଧିକ ସମୟ ଧରି ଯୁଦ୍ଧ ଚାଲିଛି। ଏହା ଭିତରେ ସାରା ବିଶ୍ୱ ଉପରେ ଏହାର ପ୍ରଭାବ ପଡିଛି । ମଧ୍ୟପ୍ରାଚ୍ୟ ଯୁଦ୍ଧର ସଙ୍କଟ ଟଳୁ ନଥିବାରୁ ଆଗାମୀ ଦିନରେ ଗ୍ୟାସ, ରନ୍ଧନ ଗ୍ୟାସ, ପେଟ୍ରୋଲ, ଡିଜେଲ ଆଦିର ସମସ୍ୟା ବଢିପାରେ ବୋଲି ସାଧାରଣ ଲୋକେ ଆଶଙ୍କା କରୁଛନ୍ତି ।
ଗ୍ୟାସ ସିଲିଣ୍ଡର ଦର ହୁ ହୁ ହେଇ ବଢୁଛି। କିଛି ଦିନ ତଳେ ସରକାରଙ୍କ ପକ୍ଷରୁ ସୂଚନା ଦିଆଯାଇଥିଲା ଯେ ରାଜ୍ୟରେ ପର୍ଯ୍ୟାପ୍ତ ପରିମାଣର ରନ୍ଧନ ଗ୍ୟାସ ସିଲିଣ୍ଡର ଉପଲବ୍ଧ ଅଛି। କିନ୍ତୁ ଆଜି ଯୋଗାଣ ମନ୍ତ୍ରୀ ଆଉ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି।
ଆଗକୁ ରାଜ୍ୟରେ PNG ଯୋଗାଣ ବୃଦ୍ଧି କରିବା ନେଇ ସୂଚନା ଦେଇଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। ମନ୍ତ୍ରୀ କହିଛନ୍ତି ଆଗକୁ ଆଉ LPG ମିଳିବ ନାହିଁ। ରାଜ୍ୟର ୩୦ ଜିଲ୍ଲାରେ PNG ଯୋଗାଣ କରାଯିବ। ୩ମାସ ଭିତରେ ଏହା କାର୍ଯ୍ୟକାରୀ କରାଯିବ। LPG ପାଇଁ e -KYC କରାଯିବ । ସହରାଞ୍ଚଳରେ PNG ବାଧ୍ୟତାମୂଳକ କରାଯିବ।
ଏଠି ପାଇଁ କମ୍ପାନୀ ଗୁଡିକୁ ନିର୍ଦ୍ଦେଶ ଦିଆଯାଇଛି। ଗ୍ୟାସ କଳାବଜାରୀ ରୋକିବାକୁ e -KYC କରାଯିବ । ଏଉ ଯେଉଁମାନେ PNG ସଂଯୋଗ ପାଇବେ ସେମାନଙ୍କୁ LPG ମିଳିବ ନାହିଁ । ବୈଠକ ପରେ ମନ୍ତ୍ରୀ ଏହି ସୂଚନା ଦେଇଛନ୍ତି ।
ସୂଚନାମୁତାବକ କଟକ, ଭୁବନେଶ୍ୱର ଏବଂ ପୁରୀରେ ପ୍ରଥମେ PNG ସଂଯୋଗ ଦିଆଯିବ। ଯେଉଁମାନେ ସ୍ଥାୟୀବାସିନ୍ଦା ଏବଂ ଭଡ଼ାରେ ରହୁଥିବା ଲୋକଙ୍କୁ ମଧ୍ୟ PNG ସଂଯୋଗ ମିଳିବ ।
ନିକଟରେ ପର୍ଯ୍ୟାପ୍ତ ପରିମାଣର କୋଇଲା କିମ୍ବା ଜାଳେଣି କାଠ ମିଳୁନଥିବାବେଳେ ସରକାର ପ୍ରେଟ୍ରୋଲପମ୍ପଗୁଡିକ ମାଧ୍ୟମରେ କିରୋସିନି ଯୋଗାଇବାକୁ କହୁଛନ୍ତି । ଫଳରେ ଲୋକେ ଏଠାରୁ କିରୋସିନି ସଂଗ୍ରହକରି ଷ୍ଟୋଭରେ ରୋଷେଇ କରିପାରିବେ । ଗ୍ୟାସ ସଙ୍କଟ ପରିପ୍ରେକ୍ଷୀରେ ରାଜଧାନୀରେ ଇଣ୍ଡକସନ୍ ଚୂଲା ବିକ୍ରି ଗତ୨୦ଦିନ ଭିତରେ ଢେର ବଢିଯାଇଛି ।