ଏଥିସହ ସେ ଚଳିତ ବର୍ଷ ଜୁନ୍‌ରେ ୪ଟି ଛୁଆ ଜନ୍ମ ଦେଇଛି। ଜୀନତର ଚଳାଚଳ ଏବେ ଜଙ୍ଗଲରେ ସ୍ଥିର ହୋଇଯାଇଥିବାରୁ ତାକୁ ରେଡିଓ କଲାର ମାଧ୍ୟମରେ ନିୟମିତ ନଜରରେ ରଖିବାର ଆଉ ଆବଶ୍ୟକତା ନାହିଁ।

ବାଘୁଣୀକୁ ବେହୋସ୍ ନ କରି ତାର ରେଡିଓ କଲ୍ଲାର୍ ଖୋଲାଯିବ। ଅଧିକାରୀମାନେ ଦୂରରୁ ରିମୋଟ୍ ଜରିଆରେ ଏହାକୁ ଖୋଲିବେ ବୋଲି ଜଣାପଡ଼ିଛି।

ଜୀନତ ଏବଂ ଅନ୍ୟ ଏକ ବାଘୁଣୀ 'ଯମୁନା'କୁ ୨୦୨୪ରେ ମହାରାଷ୍ଟ୍ରର ତାଡୋବା-ଅନ୍ଧାରୀ ଟାଇଗର ରିଜର୍ଭରୁ ଶିମିଳିପାଳ ଜାତୀୟ ଉଦ୍ୟାନକୁ ଅଣାଯାଇଥିଲା। ଚଳିତ ବର୍ଷ ଜୁନ୍‌ରେ ଜୀନତ ୪ଟି ଛୁଆ ଜନ୍ମ ଦେଇଥିଲା।

ତେବେ ଓଡ଼ିଶାର ଶିମିଳିପାଳକୁ ଅଣାଯିବା ପରେ ଏହି ସାଢ଼େ ୩ ବର୍ଷ ବୟସର ବାଘୁଣୀ ଜଙ୍ଗଲରୁ ବାହାରି ଝାଡ଼ଖଣ୍ଡ ଓ ପଶ୍ଚିମବଙ୍ଗର ବିଭିନ୍ନ ଜଙ୍ଗଲ ଦେଇ ଚାଲିଯାଇଥିଲା। ଜୀନତକୁ ଖୋଜିବା ପାଇଁ ତିନିଟି ରାଜ୍ୟର ବନ ବିଭାଗ ଅଧିକାରୀମାନେ ସତର୍କ ହୋଇଯାଇଥିଲେ। ପରେ ବାଘୁଣୀକୁ ଧରାଯାଇ ପୁଣି ଶିମିଳିପାଳର ଏନ୍‌କ୍ଲୋଜରକୁ ଅଣାଯାଇଥିଲା।

ପରେ ଯମୁନାଗଡ଼ ମେଡୋ ନିକଟରେ ଲଗାଯାଇଥିବା କ୍ୟାମେରାରେ ଜୀନତ ଏକ ୧୨ ବର୍ଷ ବୟସ୍କ କଳା ରଙ୍ଗର ବାଘ 'T-12' ସହ ଘନିଷ୍ଠ ଭାବେ ରହୁଥିବାର ଦୃଶ୍ୟ ରେକର୍ଡ ହୋଇଥିଲା।

ଏହା ପୂର୍ବରୁ ଜୀନତ, T-12ର ପୁଅ T-31ର ମିଳନ ପାଇଁ କରିଥିବା ଚେଷ୍ଟାକୁ ଗ୍ରହଣ କରିନଥିଲା। ପରେ ଜୀନତ ବୟସ୍କ ବାଘ T-12 ସହ ମିଳନ ସମ୍ପର୍କ ଗଢ଼ିଥିଲା।