ବନ ବିଭାଗ ପକ୍ଷରୁ ସହାୟତା ରାଶି ପ୍ରଦାନ କରାଯିବ ବୋଲି ଫରେଷ୍ଟର ଆନନ୍ଦ ପରିଡ଼ା ପ୍ରକାଶ କରିଛନ୍ତି।
ସୂଚନା ଯୋଗ୍ୟ ଯେ, ଆଜି ଅପରାହ୍ନ ସାଢେ଼ ୪ ଟା ସମୟରେ ନରେନ୍ଦ୍ର ସିଂ ଙ୍କ ସ୍ତ୍ରୀ ମାଲବତି ନିକଟସ୍ଥ ଉଡିଶିଂ ଜଙ୍ଗଲ ମଧ୍ୟକୁ ଡାଳ ପତ୍ର ତୋଳିବାକୁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ି ଯାଇଥିଲେ। ହାତୀ ଆକ୍ରମଣରେ ଘଟଣା ସ୍ଥଳରେ ମାଳବତିଙ୍କ ମୃତ୍ୟୁ ହୋଇ ଯାଇଥିଲା। ପାଖ ଲୋକ ଜାଣିବା ପରେ ବନ ବିଭାଗ ଓ ପରିବାର ଲୋକଙ୍କୁ ଖବର ଦେଇଥିଲେ। ବିଭାଗ ଅଧିକାରୀ ଓ ପୋଲିସ ପହଞ୍ଚି ଶବ ଉଦ୍ଧାର କରିବା ସହ କୁଚିଣ୍ଡା ଡାକ୍ତରଖାନା କୁ ପଠେଇଥିଲେ। ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।