ରେପୋ ରେଟ୍ ବଦଳିଲେ ବ୍ୟାଙ୍କର ଋଣ ସୁଧ ହାର ମଧ୍ୟ ପ୍ରଭାବିତ ହୁଏ। ସେଥିପାଇଁ ହୋମ୍ ଲୋନ୍, କାର୍ ଲୋନ୍ ଓ ଅନ୍ୟାନ୍ୟ ଋଣର EMI ଉପରେ ଏହାର ସିଧା ପ୍ରଭାବ ପଡ଼ିଥାଏ।

ହୋମ୍ ଲୋନ୍ ଉପରେ ପ୍ରଭାବ: ଏଥର RBI ରେପୋ ରେଟ୍‌ରେ କୌଣସି ପରିବର୍ତ୍ତନ କରିନଥିବାରୁ ବର୍ତ୍ତମାନ ହୋମ୍ ଲୋନ୍ EMI ରେ ତୁରନ୍ତ କୌଣସି ପରିବର୍ତ୍ତନ ହେବ ନାହିଁ। ଯେଉଁମାନେ ଆଗରୁ ହୋମ୍ ଲୋନ୍ ନେଇଛନ୍ତି, ସେମାନଙ୍କ EMI ପୂର୍ବଭଳି ଚାଲିବ। ନୂଆ ହୋମ୍ ଲୋନ୍ ନେବାକୁ ଚାହୁଁଥିବା ଲୋକମାନେ ମଧ୍ୟ ବର୍ତ୍ତମାନର ସୁଧ ହାରରେ ଋଣ ପାଇବେ।

ରେପୋ ରେଟ୍ ବଢ଼ିଲେ: ରେପୋ ରେଟ୍ ବଢ଼ିଲେ ବ୍ୟାଙ୍କ ଋଣର ସୁଧ ହାର ବଢ଼ିପାରେ। ହୋମ୍ ଲୋନ୍ ଓ ଅନ୍ୟାନ୍ୟ ଋଣର EMI ବଢ଼ିଯାଇପାରେ। ଏହାସହ ନୂଆ ଋଣ ନେବା ଅଧିକ ଖର୍ଚ୍ଚସାପେକ୍ଷ ହୋଇପାରେ।

ରେପୋ ରେଟ୍ କମିଲେ: ବ୍ୟାଙ୍କ ଋଣର ସୁଧ ହାର କମିପାରେ। ହୋମ୍ ଲୋନ୍, କାର୍ ଲୋନ୍ ଓ ଅନ୍ୟ ଋଣର EMI କମିପାରେ। ଲୋକମାନେ ସହଜରେ ଋଣ ନେଇପାରନ୍ତି, ଯାହା ଅର୍ଥନୀତିକୁ ଉନ୍ନତି କରିଥାଏ ।

ତେବେ RBI ଏଥର ରେପୋ ରେଟ୍‌ରେ କୌଣସି ପରିବର୍ତ୍ତନ ନ କରିବାରୁ ହୋମ୍ ଲୋନ୍ EMI ବଢ଼ିବ ନାହିଁ, କମିବ ମଧ୍ୟ ନାହିଁ। ଅର୍ଥାତ୍ ଯେଉଁମାନେ ଋଣ ନେଇଛନ୍ତି କିମ୍ବା ନେବାକୁ ଯୋଜନା କରୁଛନ୍ତି, ସେମାନଙ୍କ ପାଇଁ ବର୍ତ୍ତମାନ ସୁଧ ହାର ପୂର୍ବଭଳି ରହିବ। ଆଗାମୀ ଦିନରେ RBI ଯଦି ରେପୋ ରେଟ୍ କମାଏ, ତେବେ ହୋମ୍ ଲୋନ୍ EMI କମିବାର ସମ୍ଭାବନା ରହିବ।