ଓଡ଼ିଶା ଫାଷ୍ଟ(ବ୍ୟୁରୋ):ନବୀନ..ନବୀନରେ କମ୍ପିଲା ବାଲେଶ୍ୱର । ଉପନିର୍ବାଚନ ପୂର୍ବରୁ କର୍ମୀଙ୍କ ଭିତରେ ଉତ୍ସାହଭରିବାକୁ ଗୁରୁବାର ବିଜେଡି ପକ୍ଷରୁ ସ୍ଥାନୀୟ ଆଇଟିଆଇ ପଡ଼ିଆରେ ଅନୁଷ୍ଠିତ ଏକ ଭର୍ଚୁଆଲ ରାଲିକୁ ସମ୍ବୋଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ସେ କହିଛନ୍ତି ବାଲେଶ୍ୱରର ବିକାଶର ଦାୟିତ୍ୱ ସେ ନିଜେ ନେବେ। ବାଲେଶ୍ୱରର ବିକାଶ ହେଉଛି ତାଙ୍କର ଲକ୍ଷ୍ୟ। ସେ ଆହୁରି କହିଥିଲେ ଆଜିର ଦିନକୁ ଓଡ଼ିଶାବାସୀ କେବେ ଭୁଲିପାରିବେ ନାହିଁ । ଆଜିକୁ ୨୧ବର୍ଷ ତଳେ ଅର୍ଥାତ ୧୯୯୯ମସିହାରେ ଆସିଥିବା ମହାବାତ୍ୟା ଓଡ଼ିଶାକୁ ଛାରଖାର କରିଦେଇଥିଲା। ଏହା ଫଳରେ ଓଡ଼ିଶାରେ ଅର୍ଥନୀତି ବିଶେଷ ଭାବେ ପ୍ରଭାବିତ ହୋଇଥିଲା। ତେବେ ଓଡ଼ିଶା ବାସୀଙ୍କ ଦୃଢ଼ ଆତ୍ମବିଶ୍ୱାସ ଓ ପରିଶ୍ରମ ଯୋଗୁଁ ଓଡ଼ିଶା ଆଜି ମୁଣ୍ଡ ଟେକି ଠିଆହୋଇଛି।
