ଦଳଗତ ଭାବେ ବିଜେପି ଏକାକୀ ୨୬୧ ଆସନ ପାଇବା ନେଇ ଆକଳନ କରାଯାଇଥିବା ବେଳେ ପରୀକ୍ଷା ପ୍ରଶ୍ନପତ୍ର ଲିକ୍ ଏବଂ ଶିକ୍ଷା ବ୍ୟବସ୍ଥାରେ ଅନିୟମିତତା କାରଣରୁ ଦଳ ପ୍ରତି ଜେନ୍‌-ଜି ବର୍ଗର ଅସନ୍ତୋଷ ବୃଦ୍ଧି ପାଇଛି। ଏହି ସମସ୍ୟା ଯୋଗୁ ଜୁଲାଇ ମାସରେ ଦିଲ୍ଲୀର ଯନ୍ତରମନ୍ତରଠାରେ ଛାତ୍ର ଆନ୍ଦୋଳନ ତୀବ୍ର ହେବାରୁ ଧର୍ମେନ୍ଦ୍ର ପ୍ରଧାନ ଶିକ୍ଷାମନ୍ତ୍ରୀ ପଦରୁ ଇସ୍ତଫା ଦେବାକୁ ବାଧ୍ୟ ହୋଇଥିଲେ।

ଅପରପକ୍ଷରେ ରାହୁଲ ଗାନ୍ଧୀଙ୍କ ନୂତନ ରଣନୀତି ଯୋଗୁଁ କଂଗ୍ରେସ ଫାଇଦାରେ ରହିବା ସହ ଗତ ସର୍ଭେର ୮୦ ଆସନ ତୁଳନାରେ ଏଥର ୧୦୬ ଆସନ ହାସଲ କରିବାର ସମ୍ଭାବନା ରହିଛି। ତେବେ ବିରୋଧୀ 'ଇଣ୍ଡି'ମେଣ୍ଟ ୧୮୫ ଆସନରେ ସୀମିତ ରହିବ ଯାହା ୨୦୨୪ ନିର୍ବାଚନର ୨୩୪ ଆସନ ତୁଳନାରେ ଯଥେଷ୍ଟ କମ୍ ଅଟେ। ଏହି ସର୍ଭେ ଜୁଲାଇ ୧ରୁ ଅଗଷ୍ଟ ୨୫ ମଧ୍ୟରେ ୨୫,୧୮୪ ଜଣଙ୍କ ପ୍ରତ୍ୟକ୍ଷ ମତାମତ ଏବଂ ବିଗତ ୬ ମାସର ୯୧,୭୯୫ଙ୍କ ସାକ୍ଷାତକାରକୁ ଆଧାର କରି ପ୍ରସ୍ତୁତ କରାଯାଇଛି।