ରିପୋର୍ଟ ଅନୁଯାୟୀ, ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ, ନିଷ୍ଠୁରତାରୁ ସୁରକ୍ଷା ପାଇବାର ଅଧିକାର କେବଳ ବିବାହ ପର୍ୟ୍ୟନ୍ତ ସୀମିତ ହେବା ଉଚିତ୍ ନୁହେଁ। ପରିବର୍ତ୍ତନଶୀଳ ସାମାଜିକ ପରିସ୍ଥିତି ସହିତ ଆଇନ ବିକଶିତ ହେବା ଆବଶ୍ୟକ। ଲିଭ୍-ଇନ୍ ସମ୍ପର୍କରେ ସାଥୀ ପୁରୁଷ କି ମହିଳା ତାହା ଗୁରୁତ୍ୱପୂର୍ଣ୍ଣ ନୁହେଁ। ଏହା ବିଭିନ୍ନ ରୂପ ନେଇପାରେ।

ବିବାହିତ ଦମ୍ପତିଙ୍କ ପରି ଧାରା ୪୯୮-ଏ ଅନୁଯାୟୀ ସେମାନଙ୍କୁ ସୁରକ୍ଷା ପାଇବାର ଅଧିକାର ଦିଆଯିବା ଉଚିତ୍। ସ୍ୱାମୀ କିମ୍ବା ତାଙ୍କ ପରିବାରର ସଦସ୍ୟ କିମ୍ବା ସମ୍ପର୍କୀୟଙ୍କ ଦ୍ୱାରା ତାଙ୍କ ସ୍ତ୍ରୀ କିମ୍ବା ପରିବାରର ଅନ୍ୟ ମହିଳା ସଦସ୍ୟଙ୍କ ପ୍ରତି ନିଷ୍ଠୁରତା ତିନି ବର୍ଷ ପର୍ୟ୍ୟନ୍ତ ଜେଲ୍‌ଦଣ୍ଡାଦେଶ ଏବଂ ଜରିମାନା ଦଣ୍ଡନୀୟ। ନିଷ୍ଠୁରତା ଅର୍ଥ ହେଉଛି ଜଣେ ମହିଳାଙ୍କୁ ଏପରି ବ୍ୟବହାର କରିବା ଯାହା ଦ୍ୱାରା ସେ ଆତ୍ମହତ୍ୟା କରିବାକୁ ବାଧ୍ୟ ହୁଅନ୍ତି, ଗୁରୁତର ଶାରୀରିକ କିମ୍ବା ମାନସିକ କ୍ଷତି ପହଞ୍ଚାନ୍ତି, କିମ୍ବା ସମ୍ପତ୍ତି କିମ୍ବା ଯୌତୁକ ଭଳି ବେଆଇନ ଦାବି କରି ତାଙ୍କୁ ହଇରାଣ କରିଥାନ୍ତି। ଏପରି ପରିସ୍ଥିତିରେ ଜଣେ ମହିଳା କୋର୍ଟକୁ ଯାଇ ନ୍ୟାୟ ପାଇଁ ଆବେଦନ କରିପାରିବେ। ଲିଭ୍-ଇନ୍ ପାର୍ଟନରମାନେ ମଧ୍ୟ ଏବେ ଏପରି ଅଧିକାର ପାଇ ଉପକୃତ ହେବେ ବୋଲି ଶୀର୍ଷକୋର୍ଟ କହିଛନ୍ତି।