ଦିଲ୍ଲୀରେ ଏଯାଏ ୨,୩୯୨ଟି ଇନ୍ଫ୍ଲୁଏଞ୍ଜା-A ମାମଲା ରିପୋର୍ଟ ହୋଇଥିବା ବେଳେ, ସେଥିରୁ ୧,୭୭୭ଟି H1N1 ମାମଲା ରହିଛି। ଅଗଷ୍ଟ ୨୦ରେ ଗୋଟିଏ ଦିନରେ ୧୧୪ଟି ନୂଆ H1N1 ମାମଲା ଚିହ୍ନଟ ହୋଇଥିଲା। ଏହା ପରେ ଦିଲ୍ଲୀରେ ଏହି ବର୍ଷର ମୋଟ H1N1 ସଂକ୍ରମଣ ୧,୭୭୭ରେ ପହଞ୍ଚିଥିଲା। H1N1 ମାମଲା ବୃଦ୍ଧି ପରେ ଦିଲ୍ଲୀ ସରକାର ସତର୍କ ହୋଇଛନ୍ତି।
ସୂଚନା ଅନୁସାରେ, ସ୍ଥିତିକୁ ନଜରରେ ରଖି ଦିଲ୍ଲୀ ସରକାର ଲୋକଙ୍କ ପାଇଁ ସ୍ୱାସ୍ଥ୍ୟ ପରାମର୍ଶ ଜାରି କରିଛନ୍ତି। ଭିଡ଼ ଅଞ୍ଚଳରୁ ଦୂରେଇ ରହିବା, କାଶ କିମ୍ବା ଛିଙ୍କ ସମୟରେ ନାକ ଓ ମୁହଁ ଘୋଡ଼ାଇବା ଏବଂ ନିୟମିତ ହାତ ଧୋଇବା ଭଳି ସତର୍କତା ଅବଲମ୍ବନ କରିବାକୁ କୁହାଯାଇଛି।
ସ୍ୱାସ୍ଥ୍ୟମନ୍ତ୍ରୀ ସୋମବାର ଅପରାହ୍ଣରେ ଅଧିକାରୀ ଓ ହସ୍ପିଟାଲ ପ୍ରତିନିଧିଙ୍କ ସହ ଉଚ୍ଚସ୍ତରୀୟ ବୈଠକ କରି ସ୍ଥିତିର ସମୀକ୍ଷା କରିବେ। ହସ୍ପିଟାଲଗୁଡ଼ିକର ପ୍ରସ୍ତୁତି, ଔଷଧ ଓ ଆବଶ୍ୟକ ଚିକିତ୍ସା ସୁବିଧା ସମ୍ପର୍କରେ ମଧ୍ୟ ଆଲୋଚନା ହେବ।
ତେବେ ସ୍ୱାସ୍ଥ୍ୟ ବିଭାଗ ଅନୁସାରେ, ଦିଲ୍ଲୀର ହସ୍ପିଟାଲଗୁଡ଼ିକରେ ବେଡ୍, ଡାକ୍ତର, ଔଷଧ ଓ ଆବଶ୍ୟକ ଚିକିତ୍ସା ଉପକରଣର ଅଭାବ ନାହିଁ। ତେବେ ସ୍ଥିତି ଉପରେ ନିୟମିତ ନଜର ରଖାଯାଉଛି ଏବଂ ଆବଶ୍ୟକତା ଅନୁସାରେ ହସ୍ପିଟାଲ ପ୍ରସ୍ତୁତିକୁ ମଜବୁତ କରାଯାଉଛି।
Powered by Froala Editor