ଆଇଆଇଟି ବାବା ଓରଫ ଅଭୟ ସିଂ ଏବେ ବିବାହକୁ ନେଇ ପୁଣି ଆଲୋଚନାର କେନ୍ଦ୍ରବିନ୍ଦୁ ପାଲଟିଛନ୍ତି। ନିକଟରେ ସେ ତାଙ୍କ ପତ୍ନୀ ପ୍ରତୀକାଙ୍କ ସହିତ ତାଙ୍କ ପୈତୃକ ଗ୍ରାମ ସସରୋଲି (ଝାଜ୍ଜର)ରେ ପହଞ୍ଚିଥିଲେ। ଏବେ ସେ ସେମାନଙ୍କ ବିବାହ ପରେ ଭବିଷ୍ୟତ ପାଇଁ ତାଙ୍କର ଯୋଜନା ପ୍ରକାଶ କରିଥିଲେ।
ହରିୟାଣାର ଝାଜ୍ଜରର ବାସିନ୍ଦା ଅଭୟ ସିଂହ କହିଛନ୍ତି, ପ୍ରତିକା କର୍ନାଟକର ମାଙ୍ଗାଲୁରୁର ଜଣେ ଇଞ୍ଜିନିୟର।
ସେ ତାଙ୍କୁ ସଦଗୁରୁଙ୍କ ଆଶ୍ରମରେ ଭେଟିଥିଲେ। ସେମାନଙ୍କର ସମାନ ଚିନ୍ତାଧାରା ସେମାନଙ୍କୁ ଏକାଠି କରିଥିଲା। ଚଳିତ ବର୍ଷ ଫେବୃଆରୀ ୧୫ରେ, ହିମାଚଳ ପ୍ରଦେଶର ଧର୍ମଶାଳାର ଐତିହାସିକ ଆଘନଝର ମହାଦେବ ମନ୍ଦିରରେ ଧାର୍ମିକ ରୀତିନୀତି ଅନୁଯାୟୀ ସେମାନଙ୍କର ବିବାହ ହୋଇଥିଲା। ଫେବୃଆରୀ ୧୯ରେ ସେମାନେ ଧର୍ମଶାଳାରେ ସ୍ବତନ୍ତ୍ର ବିବାହ ଆଇନ ଅନୁଯାୟୀ, ବିବାହ କରିଥିଲେ।
ବିବାହ ପରେ ସେମାନଙ୍କର ଭବିଷ୍ୟତର ଯୋଜନା ବିଷୟରେ କହିଛନ୍ତି ଅଭୟ ଏବଂ ପ୍ରତୀକା। ସେମାନେ ବର୍ତ୍ତମାନ 'ଶ୍ରୀ ବିଶ୍ୱବିଦ୍ୟାଳୟ' ପ୍ରକଳ୍ପରେ କାମ କରୁଛନ୍ତି। ସେମାନଙ୍କର ଉଦ୍ଦେଶ୍ୟ ହେଉଛି ଲୋକମାନଙ୍କୁ ପ୍ରାଚୀନ ଜ୍ଞାନ ଏବଂ ବିଭିନ୍ନ ଆଧ୍ୟାତ୍ମିକ ଅଭ୍ୟାସଗୁଡ଼ିକର ସୁବିଧା ଯୋଗାଇବା। ପୁଣି ସବୁକିଛି ଗୋଟିଏ ଛାତ ତଳେ। ଭଗବାନ ମହାଦେବଙ୍କ ଦିବ୍ୟ ଶକ୍ତି ଦ୍ୱାରା ଅନୁପ୍ରାଣିତ ହୋଇ ସେମାନେ ହିମାଚଳ ପ୍ରଦେଶର କାଙ୍ଗଡ଼ାରେ ଏହି କେନ୍ଦ୍ର ପ୍ରତିଷ୍ଠା କରିବାକୁ ଚାହୁଁଛନ୍ତି।
ଅଭୟ ଏରୋସ୍ପେସ ଇଞ୍ଜିନିୟରିଂ ଡିଗ୍ରୀ ହାସଲ କରିଛନ୍ତି। କାନାଡାରେ ୩୬ ଲକ୍ଷ ବାର୍ଷିକ ଦରମା ପ୍ୟାକେଜ ସହିତ କାମ କରିବା ପରେ ସେ ମାନସିକ ଶାନ୍ତି ପାଇଁ ଏତେ ଟଙ୍କାର ଚାକିରି ଛାଡି ଆଧ୍ୟାତ୍ମିକ ଆଡକୁ ମୁହାଁଇଥିଲେ।
Powered by Froala Editor