କୋଲକାତାର ରିଜେଣ୍ଟ ପାର୍କ ଅଞ୍ଚଳରେ ଜଣେ ୨୦ ବର୍ଷୀୟା ଯୁବତୀଙ୍କୁ ତାଙ୍କ ଜନ୍ମଦିନ ଉତ୍ସବ ନାଁରେ ଦୁଇ ଜଣ ପରିଚିତ ବ୍ୟକ୍ତି ଦ୍ୱାରା ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଅଭିଯୁକ୍ତ ଦୁଇଜଣ ହେଉଛନ୍ତି ଚନ୍ଦନ ମଲ୍ଲିକ ଓ ଦୀପ। ଅପରାଧ ପରେ ଉଭୟ ଅଭିଯୁକ୍ତ ଫେରାର ହୋଇଯାଇଛନ୍ତି। ଦୀପ ଜଣେ ସରକାରୀ କର୍ମଚାରୀ ବୋଲି ଜଣାପଡ଼ିଛି।
ପୋଲିସର ସୂଚନା ଅନୁଯାୟୀ, ହରିଦେବପୁରର ଏହି ଯୁବତୀଙ୍କୁ ଚନ୍ଦନ ଜନ୍ମଦିନ ଉତ୍ସବ ପାଇଁ ଦୀପଙ୍କ ଘରକୁ ନେଇଥିଲେ। ଏଠାରେ ସେମାନେ ଖାଦ୍ୟ ଖାଇଥିଲେ। ପୀଡିତା କହିଛନ୍ତି ଯେ, ସେ ଘରକୁ ଫେରିବାକୁ ଚାହୁଁଥିଲେ। କିନ୍ତୁ ଅଭିଯୁକ୍ତମାନେ ତାଙ୍କୁ ଅଟକାଇଥିଲେ। ତା'ପରେ ଯୁବତୀଙ୍କ ସହ ଦୁଷ୍କର୍ମ କରିଥିଲେ।
ଶନିବାର ସକାଳ ପ୍ରାୟ ୧୦:୩୦ରେ ଯୁବତୀ କୌଣସି ପ୍ରକାରେ ଖସି ପଳାଇବାରେ ସଫଳ ହୋଇଥିଲେ। ଘରକୁ ଫେରି ସେ ପରିବାରକୁ ଘଟଣା ବିଷୟରେ ଜଣାଇଥିଲେ, ପରେ ଶନିବାରଏକ ଏଫଆଇଆର ରୁଜୁ ହୋଇଥିଲା।
କିଛି ମାସ ପୂର୍ବେ ତାଙ୍କର ଚନ୍ଦନଙ୍କ ସହ ପରିଚୟ ହୋଇଥିଲା, ଯିଏ ନିଜକୁ ଦକ୍ଷିଣ କୋଲକାତାର ଏକ ବଡ଼ ଦୁର୍ଗା ପୂଜା କମିଟିର ମୁଖ୍ୟ ବୋଲି ପରିଚୟ ଦେଇଥିଲେ। ଚନ୍ଦନଙ୍କ ମାଧ୍ୟମରେ ସେ ଦୀପଙ୍କୁ ଭେଟିଥିଲେ ଓ ତିନିଜଣ ପରସ୍ପର ସହ ଯୋଗାଯୋଗରେ ଥିଲେ। ଅଭିଯୁକ୍ତମାନେ ତାଙ୍କୁ ପୂଜା କମିଟିରେ ସାମିଲ କରାଇବାର ପ୍ରତିଶ୍ରୁତି ଦେଇଥିଲେ।
Powered by Froala Editor