ଥିଏଟରକୁ ଆସିପାରେ ଫିଲ୍ମ 'ସନା' । ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ରାଧିକା ମଦାନ ।ଏକାଧିକ ଅନ୍ତର୍ଜାତୀୟ ସିନେ ମହୋତ୍ସବରେ 'ସନା' ପ୍ରଦର୍ଶିତ ହୋଇଛି ଏବଂ ନିଜର କାହାଣୀ ଓ ପ୍ରଦର୍ଶନ ପାଇଁ ପ୍ରଶଂସିତ ହୋଇଛି । ମାନସିକ ସ୍ୱାସ୍ଥ୍ୟ ସହ ସଂଘର୍ଷ କରୁଥିବା ଓ ବ୍ୟକ୍ତିଗତ ଆହ୍ୱାନ ମଧ୍ୟଦେଇ ଗତି କରୁଥିବା ଜଣେ ଯୁବତୀ ଉପରେ 'ସନା'ର କାହାଣୀ ପର୍ଯ୍ୟବସିତ।

ସିନେ ମହତ୍ସୋବରେ ପ୍ରଶଂସା ସାଉଁଟିବା ପରେ ବି ଥିଏଟରରେ ଫିଲ୍ମର ରିଲିଜ୍‌ ପାଇଁ ସେ ଅପେକ୍ଷା କରି ରହିଛନ୍ତି । ନିର୍ଦ୍ଦେଶକ ସୁଧାଂଶୁ କହନ୍ତି, ଫିଲ୍ମ ରିଲିଜ୍‌ ପାଇଁ ସେ ଆଦୌ ତରବର ନୁହନ୍ତି, ବରଂ ଠିକ୍‌ ସମୟ ଓ ପ୍ଲାଟ୍‌ଫର୍ମ ଚାହାନ୍ତି ।

ଦୀର୍ଘ ବର୍ଷ ତଳେ ଅନ୍ତର୍ଜାତୀୟ ଫିଲ୍ମ ମହୋତ୍ସବରେ ପ୍ରଥମେ ପ୍ରିମିୟର ହୋଇଥିବା ଏହି ଫିଲ୍ମର ରିଲିଜ୍‌ ବିଳମ୍ବ ସମ୍ପର୍କରେ ନିର୍ଦ୍ଦେଶକ ସୁଧାଂଶୁ ସାରିୟା ଗଣମାଧ୍ୟମକୁ ଜଣାଇଛନ୍ତି । ଫିଲ୍ମକୁ ଦର୍ଶକଙ୍କ ପାଖରେ ଠିକ୍‌ ମାର୍ଗରେ ପହଞ୍ଚାଇବା ପାଇଁ ନିର୍ମାତା ଠିକ୍‌ ସମୟକୁ ପ୍ରାଧାନ୍ୟ ଦେଇଛନ୍ତି ।