Thursday, 19 Mar, 8.15 pm Odisha Reporter

ଜାତୀୟ
'ମାନବିକତା ମଞ୍ଚର ଦୁରୁପଯୋଗ କରିଛି ପାକିସ୍ତାନ'

ନୂଆଦିଲ୍ଲୀ: ସାର୍କ ଦେଶର ନେତାଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୈଠକ କରିବା ପରେ ଜରୁରୀକାଳୀନ ପାଣ୍ଠି ଉପରେ ଗୁରୁତ୍ୱ ଦେଉଛନ୍ତି ସରକାର। ଜରୁରୀକାଳୀନ ପାଣ୍ଠି ବୃଦ୍ଧି ପାଉଛି। କରୋନା ମୁକାବିଲା ପାଇଁ ସାର୍କ ଦେଶ ଏବଂ ଅନ୍ୟାନ୍ୟ ଦେଶ ଗୁଡିକରୁ ମାସ୍କ, ଗ୍ଲୋଭସ୍ ଯୋଗାଇ ଦେବା ପାଇଁ ନିବେଦନ କରିଛନ୍ତି। ସରକାର ଏ ଦିଗରେ ଗୁରୁତ୍ୱ ଦେଉଛନ୍ତି। ଏ ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ମୁଖପାତ୍ର ରବିଶ କୁମାର ସାମ୍ୱାଦିକ ସମ୍ମିଳନୀ କରି କହିଛନ୍ତି।

ସାର୍କ ଦେଶମାନଙ୍କ ସହ ବୈଠକ ପରେ ତିଆରି କରାଯାଇଥିବା ପାଣ୍ଠିରେ ଏକ ମିଲିୟନ ଡଲାର ଜମା କରାଯାଇଛି। ମାଲଦ୍ୱୀପ ଏବଂ ନେପାଳର ଦାବି ପୂରଣ ହୋଇଛି।

ହେଲେ ସାର୍କ ସମ୍ମିଳନୀରେ କଶ୍ମୀର ପ୍ରସଙ୍ଗ ଉଠାଇଥିଲା ପାକିସ୍ତାନ। ଏହାକୁ ନେଇ ମୁଖପାତ୍ର ରବିଶ କୁମାର ପ୍ରତିକ୍ରିୟା ଦେଇ କହିଛନ୍ତି, କରୋନାକୁ ନେଇ ସାରା ବିଶ୍ୱ ଏବେ ଚିନ୍ତିତ। ଏହାର ସମାଧାନ ଦିଗରେ ଆୟୋଜିତ ହୋଇଥିଲା ସାର୍କ ବୈଠକ। ଏହା ଏକ ମାନବିକତାର ମଞ୍ଚ ଥିଲା ଯାହାକୁ ପାକିସ୍ତାନ ଦୁରୁପଯୋଗ କରିଛି ବୋଲି ସେ କହିଛନ୍ତି।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Odisha Reporter
Top