ସେଥିରେ କନ୍ଦରପୁର ଥାନା ଵାରାକରେ ଆଣ୍ଠୁଏ ଲେଖାଏଁ ପାଣି ଜମି ରହିଥିବାରୁ ଦମକଳ ବାହିନୀ ଆସି ଜଳ ନିଷ୍କାସନ କରିଥିବା ଦେଖାଯାଇଛି। ସେହିପରି ୫୫ ନମ୍ବର ଜାତୀୟ ରାଜପଥର କନ୍ଦରପୁର ଲେଵୁଲକ୍ରସିଂ ଠାରେ ରାସ୍ତା ଉପରେ ପାଣି ଚାଲୁଥିବାରୁ ରାସ୍ତା ଧୋଇ ହୋଇ ଯାଇଛି। ଯାହା ଫଳରେ କଟକ - ଜଗତସିଂହପୁର ରାସ୍ତା ରେ ଜଗତସିଂହପୁର ଜିଲ୍ଲାକୁ ଆଜି ରବିବାର ସକାଳୁ ଯୋଗାଯୋଗ ବିଚ୍ଛିନ୍ନ ହୋଇପଡିଛି।

ଘଟଣା ସ୍ଥଳରେ ଏନ୍ ଏଚ୍ ଏ ଆଇ ସହକାରୀ ଯନ୍ତ୍ରୀ ଶେଖର ସାମଲ,ଏ ଆର୍ ଏସ୍ ଏସ୍ ଠିକା ସଂସ୍ଥା ର ମ୍ୟାନେଜର କିଶୋର ପରିଡ଼ା, କନିଷ୍ଠ ଯନ୍ତ୍ରୀ ସୌମ୍ୟଜିତ୍ ସାହୁ ପ୍ରମୁଖ ପହଞ୍ଚି ଯୁଦ୍ଧକାଳୀନ ଭିତ୍ତିରେ ଜଳ ନିଷ୍କାସନର ବ୍ୟବସ୍ଥା କରିବା ସହିତ ରାସ୍ତାର ପୁନଃରୁଦ୍ଧାର ପାଇଁ ଉଦ୍ୟମ ଆରମ୍ଭ କରିଥିବା ଜଣାପଡିଛି। ସେଥିରେ ଅତ୍ୟଧିକ ବର୍ଷା ପାଣି ଯୋଗୁଁ ଏନ୍ ଏଚ୍ କଡ଼ରେ ଯାଇଥିବା ଉଦଵୃତ୍ତ ଜଳ ନିଷ୍କାସନ ସଫେଇ ରେ ଜଳ ନିଷ୍କାସନ ରେ ବାଧା ସୃଷ୍ଟି ହୋଇଛି। ଯାହା ଫଳରେ ଲୋକମାନେ ବନ୍ୟା ଜଳ ପରି ବର୍ଷା ପାଣିରେ ଦୁର୍ଦ୍ଦଶା ଭୋଗୁଥିବା ଅଭିଯୋଗ ହେଉଛି। ଉଦଵୃତ୍ତ ଜଳ ନିଷ୍କାସନ ସମସ୍ୟା ର ସମାଧାନ ପାଇଁ ଗତ ଦୁଇଦିନ ତଳେ କରାଯାଇଥିବା ବ୍ୟବସ୍ଥା କୁ ବର୍ଷା ପାଣି ଧୋଇ ଦେଇଛି। ଆଉ ଦୁଇଦିନ ପ୍ରବଳ ବର୍ଷା ‌ହେଵା ନେଇ ପାଣିପାଗ ବିଭାଗ ସୂଚନା ଦେଉଥିବାରୁ ଲୋକମାନେ ଏଥିପାଇଁ ଆଶା ଓ ଆଶଙ୍କା ମଧ୍ୟରେ ରହିଛନ୍ତି।