ପୋଷ୍ଟାଲ ପେମେଂଟ ବ୍ୟାଙ୍କ ପକ୍ଷରୁ ଭତାହିତାଧିକାରୀଙ୍କୁ ଘରେ ଭତା ପ୍ରଦାନ
କେନ୍ଦ୍ରାପଡା ୦୩/୦୪/୨୦୨୦(ଓଡ଼ିଶା ସମାଚାର)-ଜିଲ୍ଲା ସାମାଜିକ ସୁରକ୍ଷା ବିଭାଗ ପକ୍ଷରୁ ଭତା ହିତାଧିକାରୀଙ୍କ ଡାକଘର ଜମାଖାତାରେ ଜମାକରାଯାଇଥିବା ୪ମାସର ବାର୍ଦ୍ଦକ୍ୟ,ବିଧବା ଓ ଭିନ୍ନକ୍ଷମ ଭତା ହିତାଧିକାରୀମାନଙ୍କୁ ସେମାନଙ୍କ ଘରେ ପୋଷ୍ଟାଲ ପେମେଣ୍ଟସ ବ୍ୟାଙ୍କ କେନ୍ଦ୍ରାପଡା ଶାଖା ଦ୍ୱାରା ପ୍ରଦାନ କରାଯାଇଛି । କେନ୍ଦ୍ରାପଡା ବ୍ଲକ ଅନ୍ତର୍ଗତ କୋରୋ ପଂଚାୟତରେ ଏକଶହରୁ ଉର୍ଦ୍ଧ୍ୱ ବିଭିନ୍ନ ଭତା ହିତାଧିକାରୀମାନଙ୍କୁ ୨ଲକ୍ଷ ୫୦ହଜାର ଟଙ୍କା ବଂଟନ କରାଯାଇଛି । 
ଏଥିସହିତ ସେହି ପଞ୍ଚାୟତର ଦିନମଜୁରିଆ ତଥା ଗରୀବ ଲୋକମାନଙ୍କୁ ପୋଷ୍ଟାଲ ପେମେଂଟ ବ୍ୟାଙ୍କ ଶାଖା ପକ୍ଷରୁ ଶୁଖିଲା ଖାଦ୍ୟ ଅଟା,,ବିସ୍କୁଟ,ବ୍ରେଡ, ସାବୁନ ଓ ମିନେରାଲ ୱାଟର ବୋତଲ ପ୍ରମୁଖ ମଧ୍ୟ ପ୍ରଦାନ କରାଯାଇଥିଲା ।
ଏହି କାର୍ଯ୍ୟକ୍ରମରେ ପୋଷ୍ଟାଲ ପେମେଂଟ ବ୍ୟାଙ୍କର ବରିଷ୍ଠ ପ୍ରବନ୍ଧକ ପ୍ରିତିଶ କୁମାର ସ୍ୱାଇଁ,ମୁଖ୍ୟ ଡାକଘରର ମୁଖ୍ୟ ପୋଷ୍ଟମାଷ୍ଟର ନୃସିଂହ ଚରଣ ମିଶ୍ର,ଡାକବିଭାଗର ସହକାରୀ ଅଧିକ୍ଷକ ଦେବାଶିଷ ଶତପଥୀ,ଡାକବିଭାଗର ଇନିସପେକ୍ଟର ତପନ କୁମାର ଷଡଙ୍ଗୀ,ମୁଖ୍ୟ ଡାକଘରର ସହକାରୀ ପୋଷ୍ଟମାଷ୍ଟର ଶାରଦା ପ୍ରସାଦ ଦାସ ପ୍ରମୁଖ ଉପସ୍ଥିତ ଥିଲେ । ଓଡ଼ିଶା ସମାଚାର