Thursday, 25 Feb, 6.08 pm ଓଡିଶା ସମ୍ବାଦ

ହୋମ
ବିଧାନସଭାରେ ପୁଣି ଉଠିଲା କେନ୍ଦ୍ରୀୟ ଅବହେଳା ପ୍ରସଙ୍ଗ

ଭୁବନେଶ୍ୱର: ବିଧାନସଭାରେ ପୁଣି ଉଠିଲା କେନ୍ଦ୍ରୀୟ ଅବହେଳା ପ୍ରସଙ୍ଗ । ଜଳ ସମ୍ପଦ ବିଭାଗର ପ୍ରଶ୍ନୋତ୍ତର ବେଳେ ଉଠିଲା ମହାନଦୀ ଜଳ ବିବାଦ ପ୍ରସଙ୍ଗ । ରାଜ୍ୟର ବିଭିନ୍ନ ପ୍ରକଳ୍ପକୁ CWC ମଞ୍ଜୁରୀ ଦେଉ ନଥିବା ଅଭିଯୋଗ କରିଛନ୍ତି ବିଜେଡି ବିଧାୟକ ପ୍ରଦୀପ ଅମାତ ।

ପ୍ରଦୀପ ଅମାତ କହିଛନ୍ତି, ହୀରାକୁଦ ତଳମୁଣ୍ଡରେ ଥିବା ମହାନଦୀକୁ ନେଇ ବିବାଦ ନାହିଁ । ତଥାପି ବୌଦ୍ଧ ଜିଲ୍ଲାର ୨ଟି ପ୍ରକଳ୍ପକୁ କାହିଁକି ବନ୍ଦ କରାଯାଇଛି । ସତୀଘାଟ ଓ ଲକ୍ଷ୍ମୀପଦର ପ୍ରକଳ୍ପ ଫେରାଇ ଦେଇଛନ୍ତି କେନ୍ଦ୍ରୀୟ ଜଳ ଆୟୋଗ (CWC) ।

ପ୍ରଦୀପ ଅମାତଙ୍କ ପ୍ରଶ୍ନର ଉତ୍ତର ରଖିଥିଲେ ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ । ସେ କହିଛନ୍ତି, ମହାନଦୀ ଟ୍ରିବୁନାଲର ଆଦେଶ ଆସିବା ଯାଏ CWC ନିଷ୍ପତ୍ତି ସ୍ଥଗିତ ରଖିଛନ୍ତି । ମହାନଦୀ ତଳମୁଣ୍ଡ ଅବବାହିକାରେ ହେବ ଜଳ ସଂରକ୍ଷଣ ବ୍ୟବସ୍ଥା । ଆଗାମୀ ୫ ବର୍ଷ ଭିତରେ ଇନଷ୍ଟ୍ରମ ଷ୍ଟୋରେଜ ପାଇଁ ମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି । କହିଛନ୍ତି, ଏହାଦ୍ୱାରା ଜଳ ସଂରକ୍ଷଣ ହୋଇପାରିବ ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Odisha Sambad Odia
Top