Thursday, 17 Jun, 5.23 pm ଓଡିଶା ସମ୍ବାଦ

ହୋମ
ସୁପ୍ରିମକୋର୍ଟଙ୍କୁ CBSE କହିଲା କେମିତି ହେବ ଦ୍ୱାଦଶ ଶ୍ରେଣୀ ମୂଲ୍ୟାୟନ, ଜୁଲାଇ ୩୧ ସୁଦ୍ଧା ରେଜଲ୍ଟ

ନୂଆଦିଲ୍ଲୀ: କେମିତି ହେବ ସିବିଏସଇ ଦ୍ୱାଦଶ ଶ୍ରେଣୀ ମୂଲ୍ୟାୟନ । ଆଜି ସୁପ୍ରିମକୋର୍ଟଙ୍କୁ ଜଣାଇଛନ୍ତି ସିବିଏସଇ କର୍ତ୍ତୃପକ୍ଷ । ୧୩ ଜଣିଆ ବିଶେଷଜ୍ଞ କମିଟି ଦେଇଥିବା ପ୍ରସ୍ତାବକୁ ସୁପ୍ରିମକୋର୍ଟରେ ଉପସ୍ଥାପନ କରିଛି ସିବିଏସଇ ବୋର୍ଡ । ଦଶମ, ଏକାଦଶ ଓ ଦ୍ୱାଦଶ ପ୍ରି-ବୋର୍ଡ ପରୀକ୍ଷାର ରେଜଲ୍ଟ ଆଧାରରେ ଦ୍ୱାଦଶ ଶ୍ରେଣୀ ମୂଲ୍ୟାୟନ କରାଯିବ । ଏହାସହ ସିବିଏସଇ କହିଛି, ରେଜଲ୍ଟରେ ଅସନ୍ତୋଷ ଥିବା ଛାତ୍ରଛାତ୍ରୀଙ୍କ ପାଇଁ ପରୀକ୍ଷା ନେଇ ପରେ ଅଲଗା ବ୍ୟବସ୍ଥା କରାଯିବ ।

କେମିତି ମୂଲ୍ୟାୟନ ହେବ ବିସ୍ତୃତ ଭାବରେ କୋର୍ଟଙ୍କୁ ଅବଗତ କରିଛି ସିବିଏସଇ । ଦଶମ ଶ୍ରେଣୀରେ ୫ଟି ବିଷୟରୁ ୩ଟିରେ ସବୁଠୁ ଭଲ ନମ୍ବରକୁ ମାନଦଣ୍ଡ ଭାବରେ ବିଚାର କରାଯିବ । ସେହିପରି ଏକାଦଶ ଶ୍ରେଣୀର ପାଞ୍ଚଟି ବିଷୟର ମାର୍କକୁ ଆଭରେଜ୍ ଭାବରେ ନିଆଯିବ । ଦ୍ୱାଦଶ ଶ୍ରେଣୀ ପ୍ରି-ବୋର୍ଡ ପରୀକ୍ଷା ଓ ପ୍ରାକ୍ଟିକାଲ୍ ନମ୍ବରକୁ ବିଚାରକୁ ନିଆଯିବ ।

ଦଶମ ଶ୍ରେଣୀର ମାର୍କକୁ ୩୦ ପ୍ରତିଶତ, ଏକାଦଶ ଶ୍ରେଣୀର ନମ୍ବରକୁ ୩୦ ପ୍ରତିଶତ ଓ ଦ୍ୱାଦଶ ନମ୍ବରକୁ ୪୦ ପ୍ରତିଶତ ଆଧାରରେ ଫଳାଫଳ ପ୍ରକାଶ କରାଯିବ । ପ୍ରି-ବୋର୍ଡ ପରୀକ୍ଷାରେ ପିଲାଙ୍କୁ ବଢ଼ାଇ ଅଧିକ ମାର୍କ ଦିଆଯାଇଛି କି ନାହିଁ, ସେନେଇ ଏକ ମୂଲ୍ୟାୟନ କମିଟି ଗଠନ କରାଯିବ ବୋଲି ସୁପ୍ରିମକୋର୍ଟଙ୍କୁ ଅବଗତ କରାଇଛି । କମିଟିର ସ୍କୁଲର ଦୁଇ ଜଣ ବରିଷ୍ଠ ଶିକ୍ଷକ ଓ ପଡ଼ୋଶୀ ସ୍କୁଲର ଶିକ୍ଷକ ମୋଡରେସନ୍ କମିଟି ଭାବରେ କାମ କରିବେ । ଜୁଲାଇ ୩୧ ସୁଦ୍ଧା ରେଜଲ୍ଟ ପ୍ରକାଶ ପାଇବ ବୋଲି କୋର୍ଟଙ୍କୁ ଅବଗତ କରାଇଛନ୍ତି କେନ୍ଦ୍ର ସରକାର ।

ଚଳିତବର୍ଷ କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ସିବିଏସଇ ଦ୍ୱାଦଶ ବୋର୍ଡ ପରୀକ୍ଷା ବାତିଲ କରିଥିଲେ । ମୂଲ୍ୟାୟନକୁ ନେଇ ଅନିଶ୍ଚିତତା ଲାଗି ରହିଥିଲା । ଏଥିପାଇଁ ସିବିଏସଇ ଏକ ୧୩ ଜଣିଆ କମିଟି ଗଠନ କରିଥିଲା । କମିଟିର ସୁପାରିଶ ଆଧାରରେ ମୂଲ୍ୟାୟନ ମାନଦଣ୍ଡ ନିର୍ଦ୍ଧାରଣ ହୋଇଛି । କେମିତି ହେବ ମୂଲ୍ୟାୟନ ଓ ଫଳାଫଳ ପ୍ରକାଶ କରାଯିବ ସେନେଇ ରିପୋର୍ଟ ଦେବାକୁ ସିବିଏସଇ, କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ ।

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Odisha Sambad Odia
Top