କଟକ: କଟକ ରେଳ ଷ୍ଟେସନରୁ ନିଖୋଜ ଜଣେ ସାତ ବର୍ଷର ଝିଅକୁ ଉଦ୍ଧାର କରାଯାଇଛି। ଯେଉଁଠାରେ ସେ ନିଜ ଜେଜେ ବାପା ଓ ଜେଜେମାଆଙ୍କ ସହିତ ଟ୍ରେନ୍ ଚଢ଼ିବାକୁ ଅପେକ୍ଷା କରିଥିଲେ। ନାବାଳିକାକୁ ଉଦ୍ଧାର କରିଛି କମିଶନରେଟ୍ ପୋଲିସ।ଅପହରଣ କରିଥିବା ବୃଦ୍ଧ କଟକ ବାଲିକୁଦା ଅଞ୍ଚଳର ସୂଚନା ମିଳିଛି। ଏପଟେ ପୋଲିସ ସନ୍ଦେହ କରିଥିଲା ଯେ ତାଙ୍କୁ ଅପହରଣ ଉଦ୍ୟମ କରାଯାଇଥିଲା।
କାରଣ ତଦନ୍ତ ସମୟରେ ମିଳିଥିବା ସିସିଟିଭି ଫୁଟେଜରେ ଝିଅଟି ଜଣେ ବୃଦ୍ଧ ବ୍ୟକ୍ତିଙ୍କ ସହିତ ଯାଉଥିବାର ଦେଖାଯାଇଛି।ସୂଚନା ଅନୁଯାୟୀ, କେନ୍ଦ୍ରାପଡାର ଆଳି ଅଞ୍ଚଳର ବୃଦ୍ଧ ଦମ୍ପତି ସେମାନଙ୍କ ନାତୁଣୀଙ୍କ ସହିତ କଟକ ଆସିଥିଲେ। ସେମାନେ ଅନୁଗୋଳର ପାଲଲହଡା ଯିବା ପାଇଁ ରେଳ ଷ୍ଟେସନରେ ଟ୍ରେନ୍ ଅପେକ୍ଷା କରିଥିଲେ, ସେହି ସମୟରେ ନାବାଳିକା ଝିଅଟି ହଠାତ୍ ନିଖୋଜ ହୋଇଯାଇଥିଲା।