ସିଜେପି ତରଫରୁ ଆରମ୍ଭ ହୋଇଥିବା 'ସ୍କୁଲ୍‌ ଠିକ୍‌ କରୋ' ଅଭିଯାନ ଅନ୍ତର୍ଗତ ଅଭିଜିତ୍‌ ଓ ତାଙ୍କ ସହଯୋଗୀମାନେ ମୁମ୍ବଇଠାରୁ ପ୍ରାୟ ୫୦୦ କିଲୋମିଟର ଦୂର ଜୱାଲିସ୍ଥିତ ଜିଲ୍ଲା ପରିଷଦ ଉର୍ଦୁ ସ୍କୁଲରେ ପହଞ୍ଚିଥିଲେ। ସେମାନେ ବିନା ଅନୁମତିରେ ବିଦ୍ୟାଳୟ ମଧ୍ୟକୁ ପ୍ରବେଶ କରି ଛାତ୍ରଛାତ୍ରୀଙ୍କ ଗହଣରେ ବସିବା ସହ ଶିକ୍ଷକଙ୍କୁ ଅସୁବିଧାଜନକ ପ୍ରଶ୍ନ ପଚାରିଥିଲେ। ଏହାସହ ପାଠପଢ଼ାରେ ହସ୍ତକ୍ଷେପ କରିବା ଏବଂ ଶିକ୍ଷକଙ୍କୁ ନିଲମ୍ବିତ କରିବାକୁ ଧମକ ଦେଇଥିବା ଅଭିଯୋଗ ହୋଇଛି। ଏହି ଘଟଣାରେ ପୁଲିସ ଭାରତୀୟ ନ୍ୟାୟ ସଂହିତା (BNS)ର ଧାରା ୧୩୨, ୩୨୯(୩), ୩୫୧(୨) ଓ ୩୫୬(୨) ଅନୁଯାୟୀ ମାମଲା ରୁଜୁ କରି ତଦନ୍ତ ଚଳାଇଛି।