ସବୁବେଳେ ଡ୍ୟାଣ୍ଡ୍ରଫ୍ ବା ରୁପି କେଶ ଝଡ଼ିବାର କାରଣ ହୁଏ ନାହିଁ । ତଥାପି, ଯେତେବେଳେ ମୁଣ୍ଡ ଅତ୍ୟଧିକ କୁଣ୍ଡେଇ ହୁଏ, ଆମେ ତାହାକୁ ବାରମ୍ବାର ଘଷିବାକୁ ଚେଷ୍ଟା କରୁ । ଏହା ମୁଣ୍ଡରେ ଜ୍ୱଳନ ସୃଷ୍ଟି କରିପାରେ । ଏବଂ ଅଧିକ ଗୁରୁତର କ୍ଷେତ୍ରରେ, କେଶ ଫଲିକିଲ୍ସକୁ କ୍ଷତି ପହଞ୍ଚାଇପାରେ, ଯାହା ଫଳରେ ଅଧିକ କେଶ ଝଡ଼ିପାରେ । ଚର୍ମରୋଗ ବିଶେଷଜ୍ଞ ଡାକ୍ତର ଆର୍ଜୁ ପାହୱା କୁହନ୍ତି, "ଯଦି ଆପଣ ଏକା ସମୟରେ ଡ୍ୟାଣ୍ଡ୍ରଫ୍ ଏବଂ କେଶ ଝଡ଼ିବା ଉଭୟ ଅନୁଭବ କରୁଛନ୍ତି । ତେବେ ପ୍ରଥମେ ଯେ ଭୟଭୀତ ହେବାର କୌଣସି ଆବଶ୍ୟକତା ନାହିଁ ଏବଂ ଗୋଟିଏ ସମସ୍ୟା ଅନ୍ୟ ସମସ୍ୟାର କାରଣ ବୋଲି ଧରି ନିଅନ୍ତୁ ନାହିଁ।"

ସର୍ବପ୍ରଥମେ ରୁପି ନିୟନ୍ତ୍ରଣ

ପ୍ରଥମେ ଆମକୁ ରୁପିକୁ ନିୟନ୍ତ୍ରଣ କରିବା ଗୁରୁତ୍ୱପୂର୍ଣ୍ଣ । ଏହା ସାଧାରଣ ଦେଖାଯାଏ,ହେଲେ ବେଳେବେଳେ ସେବୋରିକ୍ ​​ଚର୍ମରୋଗ ହୋଇପାରେ । ଏହା ଏକ ଚର୍ମ ସମସ୍ୟା ଯେଉଁଥିରେ ତ୍ୱଚାରେ କୁଞ୍ଚନ, ଫ୍ଲେକିଂ ଏବଂ ବେଳେବେଳେ କୁଣ୍ଡେଇ ହୋଇପାରେ । ଏହା ବ୍ୟତୀତ ତ୍ୱଚା ସୋରିୟାସିସ୍, ଏକଜେମା ଏବଂ ଫଙ୍ଗଲ୍ ସଂକ୍ରମଣ ଭଳି ଅନ୍ୟାନ୍ୟ ସମସ୍ୟା ହୋଇଥାଏ । ଏବଂ ହେୟାରଫଲ୍ ମଧ୍ୟ ହୋଇପାରେ । ଯଦି ଡେଣ୍ଡ୍ରାଫ୍ ଅଳ୍ପ ଥାଏ, ତେବେ ଆପଣ ସେଲେନିୟମ୍ କିମ୍ବା ଜିଙ୍କ୍ ଭଳି ଉପାଦାନ ଯୁକ୍ତ ଏକ ଓଭର-ଦି-କାଉଣ୍ଟର ଆଣ୍ଟି-ଡେଣ୍ଡ୍ରାଫ୍ ସାମ୍ପୁ ବ୍ୟବହାର କରିପାରିବେ । କିଛି ଲୋକଙ୍କୁ କେଟୋକୋନାଜୋଲ ଯୁକ୍ତ ଏକ ଆଣ୍ଟି-ଫଙ୍ଗାଲ୍ ସାମ୍ପୁ ମଧ୍ୟ ଆବଶ୍ୟକ ହୋଇପାରେ । ତଥାପି, ଯଦି ଡେଣ୍ଡ୍ରାଫ୍ ସ୍ଥାୟୀ କିମ୍ବା ଗୁରୁତର ହୁଏ, ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ଡାକ୍ତରଙ୍କ ନିର୍ଦ୍ଦେଶ ଅନୁସାରେ ସାମ୍ପୁ ବ୍ୟବହାର କରନ୍ତୁ ।

​​​​​​​

ଭୁଲରେ ମଧ୍ୟ କରନ୍ତୁନି ଏହି ଭୁଲ୍

ଦୟାକରି ମୁଣ୍ଡକୁ ବାରମ୍ବାର ଘଷନ୍ତୁ ନାହିଁ । ଜୋରରେ କେଶକୁ କୁଣ୍ଡାନ୍ତୁ ନାହିଁ । ଟାଇଟ୍ ହେୟାର ଷ୍ଟାଇଲ୍ କରିବାରୁ ବଞ୍ଚନ୍ତୁ ।କାରଣ ଏହା ମୁଣ୍ଡ ଉପରେ ଅଧିକ ଚାପ ପକାଏ ଓ ବିରକ୍ତି କରାଏ । ଯାହା କେଶକୁ କ୍ଷତି ପହଞ୍ଚାଇପାରେ। ଯଦି ଆପଣଙ୍କ କେଶ ଝଡ଼ୁଛି, କୁଣ୍ଡେଇ ହେଉଛି, କିମ୍ବା ଡାଣ୍ଡ୍ରଫ୍ ସଫା ହେବା ପରେ ମଧ୍ୟ କେଶ ଝଡ଼ିବା ଜାରି ରହୁଛି, ତେବେ ଜଣେ ଚର୍ମରୋଗ ବିଶେଷଜ୍ଞଙ୍କୁ ଦେଖାନ୍ତୁ ।