ଏହି ମହତ୍ତ୍ୱପୂର୍ଣ୍ଣ ଲକ୍ଷ୍ୟକୁ ହାସଲ କରିବା ପାଇଁ କେନ୍ଦ୍ର ସରକାର ବିଭିନ୍ନ କ୍ଷେତ୍ରରେ ବ୍ୟାପକ ପଦକ୍ଷେପ ଗ୍ରହଣ କରୁଛନ୍ତି ।

୧. ମୁଖ୍ୟ ଫୋକସ୍‌ କ୍ଷେତ୍ରସମୂହ

ସରକାର ନିମ୍ନଲିଖିତ ପ୍ରମୁଖ କ୍ଷେତ୍ରଗୁଡ଼ିକ ଉପରେ ସ୍ୱତନ୍ତ୍ର ଦୃଷ୍ଟି ଦେଇଛନ୍ତି । କୃଷି ଉତ୍ପାଦନରେ ବୃଦ୍ଧି ଏବଂ ବିନିର୍ମାଣ କ୍ଷେତ୍ରକୁ ପ୍ରୋତ୍ସାହନ । କ୍ଷୁଦ୍ର, ମଧ୍ୟମ ଓ କୁଟୀର ଶିଳ୍ପଗୁଡ଼ିକୁ ସହାୟତା ଏବଂ ଦେଶବ୍ୟାପୀ ଭିତ୍ତିଭୂମିର ସମ୍ପ୍ରସାରଣ । ଇଜ୍‌ ଅଫ୍‌ ଡୁଇଁ ବିଜ୍‌ନେସ, ଲଜିଷ୍ଟିକ୍ସର ଉନ୍ନତି ଏବଂ ଜିଏସ୍‌ଟି ତଥା ଆୟକର ବ୍ୟବସ୍ଥାରେ ସଂସ୍କାର । ଡିଜିଟାଲିକରଣ, ମାନବ ପୁଞ୍ଜିର ବିକାଶ ଏବଂ ଶକ୍ତି ସୁରକ୍ଷା । ପୁଞ୍ଜି ବ୍ୟୟରେ ଉନ୍ନତି, ଏଫ୍‌ଡିଆଇ (FDI) ନିୟମ କୋହଳ, ରପ୍ତାନି ବୃଦ୍ଧି, ବିତ୍ତିୟ ଶୃଙ୍ଖଳା ଏବଂ ବିଭିନ୍ନ ଦେଶ ସହ ମୁକ୍ତ ବାଣିଜ୍ୟ ଚୁକ୍ତି ସ୍ୱାକ୍ଷର ।

୨. ଶିଳ୍ପ ଓ ଉତ୍ପାଦନ ବୃଦ୍ଧି ପାଇଁ ପ୍ରମୁଖ ଯୋଜନା

ଘରୋଇ ବଜାରରେ ଉତ୍ପାଦନ ବୃଦ୍ଧି, ନିବେଶ ଆକର୍ଷଣ, ନିଯୁକ୍ତି ସୃଷ୍ଟି ଏବଂ ବଜାର ପ୍ରତିସ୍ପର୍ଦ୍ଧା ବଢ଼ାଇବା ଲାଗି କେନ୍ଦ୍ର ସରକାର କେତେକ ପ୍ରମୁଖ ଯୋଜନା କାର୍ଯ୍ୟକାରୀ କରୁଛନ୍ତି । ପିଏଲ୍‌ଆଇ ସ୍କିମ୍, ମେକ୍‌ ଇନ୍‌ ଇଣ୍ଡିଆ, ନ୍ୟାସନାଲ ଲଜିଷ୍ଟିକ୍ସ ପଲିସି, ନ୍ୟାସନାଲ ସିଙ୍ଗଲ ୱିଣ୍ଡୋ ସିଷ୍ଟମ, ପିଏମ୍‌ ଗତି ଶକ୍ତି ଯୋଜନା ।

ଏହା ବି ପଢ଼ନ୍ତୁ... SBI savings scheme: ଫିକ୍ସ ଡିପୋଜିଟ୍ ନୁହେଁ, ଏସବିଆଇର ଏହି ସ୍କିମ୍‌ରେ ସ୍ପଳ୍ପ ନିବେଶ କରି ହୁଅନ୍ତୁ ଲକ୍ଷପତି

୩. ଏମ୍‌ଏସ୍‌ଏମ୍‌ଇ (MSME) କ୍ଷେତ୍ର ପାଇଁ ସୁବିଧା

ଦେଶର ଅର୍ଥନୀତିରେ ମେରୁଦଣ୍ଡ ଭାବେ ପରିଚିତ ଏମ୍‌ଏସ୍‌ଏମ୍‌ଇ କ୍ଷେତ୍ର ପାଇଁ ସରକାର ଅନେକ ପଦକ୍ଷେପ ନେଇଛନ୍ତି । ଏମର୍ଜେନ୍ସି କ୍ରେଡିଟ ଗ୍ୟାରେଣ୍ଟି ସୁବିଧା । ବର୍ଗୀକରଣ ନିୟମରେ ପରିବର୍ତ୍ତନ ଏବଂ ସରଳ ଉଦ୍ୟମ ପଞ୍ଜୀକରଣ । ଟ୍ରେଡସ ଇକୋସିଷ୍ଟମ ଏବଂ ଜିଇଏମ୍‌ ପୋର୍ଟାଲ ଜରିଆରେ ସୁବିଧା ।

୪. ସେବା କ୍ଷେତ୍ର ଏବଂ ଆର୍ଥିକ ସଂସ୍କାର

ଡିଜିଟାଲ ପବ୍ଲିକ ଭିତ୍ତିଭୂମି, ଜିସିସି, ମେଡିକାଲ ଭାଲ୍ୟୁ ଟ୍ରାଭେଲ ଏବଂ ଅରେଞ୍ଜ ଇକୋନୋମୀ ଭଳି କ୍ଷେତ୍ରକୁ ଆଗକୁ ବଢ଼ାଇବା ପାଇଁ ବଜେଟରେ ନୂତନ ଘୋଷଣା କରାଯାଇଛି । ସରଫାଏସି କାର୍ଯ୍ୟାନୁଷ୍ଠାନ ମାଧ୍ୟମରେ ବ୍ୟାଙ୍କଗୁଡ଼ିକ ୩୨,୪୬୬ କୋଟି ଟଙ୍କା ଅସୁଲ କରିବାରେ ସଫଳ ହୋଇଛନ୍ତି, ଯାହା ବ୍ୟାଙ୍କିଂ ବ୍ୟବସ୍ଥାକୁ ଅଧିକ ଦୃଢ଼ କରିଛି ।