ଅରେଞ୍ଜ କ୍ୟାପ୍:

୧୩ଟି ଲିଗ୍ ମ୍ୟାଚ୍ ପରେ, ରାଜସ୍ଥାନ ରୟାଲ୍ସର ଯୁବ ଓପନର ଯଶସ୍ୱୀ ଜୟସୱାଲଙ୍କ ମୁଣ୍ଡରେ ଅରେଞ୍ଜ କ୍ୟାପ୍ ଲାଗିଛି। ଏପର୍ଯ୍ୟନ୍ତ, ଜୟସୱାଲ ୩ଟି ମ୍ୟାଚ୍ ର ୩ଟି ଇନିଂସରେ ୧୭୦ ରନ୍ ସଂଗ୍ରହ କରିଛନ୍ତି, ୧୭୦ ହାରାହାରି ଏବଂ ୧୬୩.୪୬ ଷ୍ଟ୍ରାଇକ୍ ରେଟ୍ ବଜାୟ ରଖିଛନ୍ତି। ଗୌହାଟୀରେ ମୁମ୍ବାଇ ବିପକ୍ଷରେ ଖେଳାଯାଇଥିବା ମ୍ୟାଚ୍ ରେ ବୈଭବ ବିସ୍ଫୋରକ ବ୍ୟାଟିଂ ପ୍ରଦର୍ଶନ କରି ମାତ୍ର ୩୨ ବଲ୍ ରୁ ୧୦ ଚୌକା ଏବଂ ୪ ଛକା ସହାୟତାରେ ୭୭ ରନ୍ କରିଥିଲେ। ଏହି ଇନିଂସ ପାଇଁ ତାଙ୍କୁ 'ପ୍ଲେୟାର ଅଫ୍ ଦି ମ୍ୟାଚ୍' ଟାଇଟଲ୍ ମଧ୍ୟ ଦିଆଯାଇଥିଲା।

ସର୍ବାଧିକ ରନ୍ ସ୍କୋରରଙ୍କ ତାଲିକାରେ ପ୍ରଥମ ପାଞ୍ଚ ଜଣଙ୍କୁ ଦେଖିଲେ, ଦିଲ୍ଲୀ କ୍ୟାପିଟାଲ୍ସର ସମୀର ରିଜଭି ୧୬୦ ରନ୍ ସହିତ ଦ୍ୱିତୀୟ ସ୍ଥାନରେ ଅଛନ୍ତି। ତାଙ୍କ ପରେ ସନରାଇଜର୍ସ ହାଇଦ୍ରାବାଦର ହେନରିଚ୍ କ୍ଲାସେନ୍ ୧୪୫ ରନ୍ ସହିତ ତୃତୀୟ ସ୍ଥାନରେ ଅଛନ୍ତି। ଏହା ପରେ, ରାଜସ୍ଥାନ ରୟାଲ୍ସର ୧୫ ବର୍ଷୀୟ ବ୍ୟାଟର ବୈଭବ ସୂର୍ଯ୍ୟବଂଶୀ ୧୨୨ ରନ୍ ସହିତ ଚତୁର୍ଥ ସ୍ଥାନରେ ଅଛନ୍ତି। ପଞ୍ଚମ ସ୍ଥାନରେ ମୁମ୍ବାଇ ଇଣ୍ଡିଆନ୍ସର ରୋହିତ ଶର୍ମା ୧୧୮ ରନ୍ ସହିତ ଅଛନ୍ତି।

ପର୍ପଲ କ୍ୟାପ୍:

ରାଜସ୍ଥାନ ରୟାଲ୍ସର ଷ୍ଟାର ସ୍ପିନର ରବି ବିଷ୍ଣୋଇ ସର୍ବାଧିକ ୱିକେଟ୍ ହାସଲ କରି ଗର୍ବର ସହିତ ପର୍ପଲ କ୍ୟାପ୍ ପିନ୍ଧିଛନ୍ତି। ଏପର୍ଯ୍ୟନ୍ତ ରବି ବିଷ୍ଣୋଇ ୩ଟି ମ୍ୟାଚ୍ରେ ୭ଟି ୱିକେଟ୍ ନେଇଛନ୍ତି। ମୁମ୍ବାଇ ବିପକ୍ଷ ମ୍ୟାଚ୍ରେ, ରାଜସ୍ଥାନର ସ୍ପିନର ଏକ ଚମତ୍କାର ବୋଲିଂ ପ୍ରଦର୍ଶନ କରି ୨ଟି ୱିକେଟ୍ ନେଇଥିଲେ। ସର୍ବାଧିକ ୱିକେଟ୍ ନେଇଥିବା ଖେଳାଳିଙ୍କ ତାଲିକାରେ ରାଜସ୍ଥାନ ରୟାଲ୍ସର ନାଣ୍ଡ୍ରେ ବର୍ଗର, ପଞ୍ଜାବ କିଙ୍ଗସର ବିଜୟକୁମାର ବୈଶାଖ, ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଜାକବ୍ ଡଫି ଏବଂ ଚେନ୍ନାଇ ସୁପର କିଙ୍ଗସର ଅଂଶୁଲ କାମ୍ବୋଜ ମଧ୍ୟ ସ୍ଥାନ ପାଇଛନ୍ତି।