ନୂଆଦିଲ୍ଲୀ,୩୧/୦୭: କାଶ୍ମୀର ଅଞ୍ଚଳର କୁଲଗାମରେ ଏକ ଆତଙ୍କବାଦୀ ଆକ୍ରମଣ ହୋଇଛି। ଆତଙ୍କବାଦୀମାନେ ଦୁଇ ଅଣ-ସ୍ଥାନୀୟ ଲୋକଙ୍କୁ ଟାର୍ଗେଟ କରି ଗୁଳି ଚଳାଇଥିଲେ। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଚିକିତ୍ସାଧୀନ ଅଛନ୍ତି। ସୁରକ୍ଷା ବାହିନୀ ଅଞ୍ଚଳକୁ ଘେରାବନ୍ଦୀ କରିନେଇଛନ୍ତି ଏବଂ ଆତଙ୍କବାଦୀଙ୍କୁ ଖୋଜାଖୋଜି ଚାଲିଛି।
ଜମ୍ମୁ ଏବଂ କାଶ୍ମୀର ପୋଲିସ କହିଛି ଯେ ସୁରକ୍ଷା ବାହିନୀ ଅଞ୍ଚଳକୁ ଘେରାବନ୍ଦୀ କରି ଆକ୍ରମଣକାରୀଙ୍କୁ ଖୋଜିବା ପାଇଁ ଏକ ସର୍ଚ୍ଚ ଅପରେସନ ଆରମ୍ଭ କରିଛି।
ଏହି ସମୟରେ, ଡିଜିପି ନଳିନ ପ୍ରଭାତ, ଉପରାଜ୍ୟପାଳ ମନୋଜ ସିହ୍ନାଙ୍କୁ ଆକ୍ରମଣ ବିଷୟରେ ଅବଗତ କରାଇଛନ୍ତି। ଆକ୍ରମଣ ପାଇଁ ଦାୟୀ ଆତଙ୍କବାଦୀମାନଙ୍କୁ ଯଥାଶୀଘ୍ର ନିପାତ କରିବାକୁ ଉପରାଜ୍ୟପାଳ ନିର୍ଦ୍ଦେଶ ଦେଇଛନ୍ତି। ଅଧିକାରୀମାନେ କହିଛନ୍ତି ଯେ ଆତଙ୍କବାଦୀମାନେ ଜିଲ୍ଲାର କେଲମ ଅଞ୍ଚଳରେ କାପୁରୁଷ ଭଳି ଏହି ଆକ୍ରମଣ କରିଥିଲେ। ପ୍ରବାସୀ ଶ୍ରମିକଙ୍କ ଉପରେ ଗୁଳି ଚଳାଇଥିଲେ। ଆହତ ଶ୍ରମିକଙ୍କୁ ଉନ୍ନତ ଚିକିତ୍ସା ପାଇଁ ଜିଏମସି ଅନନ୍ତନାଗକୁ ସ୍ଥାନାନ୍ତର କରାଯାଇଛି।
ପ୍ରମେୟ ପୃଷ୍ଠାର ପ୍ରମୁଖ ଖବର: S Jaishankar : କୌଣସି ମୂଲ୍ୟରେ ଯେମିତି ଜାହାଜ ଉପରେ ଆକ୍ରମଣ ନହୁଏ : ଇରାନ ବୈଦେଶିକ ମନ୍ତ୍ରୀଙ୍କୁ ସ୍ପଷ୍ଟ ଭାବେ କହିଲେ ଜୟଶଙ୍କର