ଏହି ଭିତରେ ଋଣମୁକ୍ତି ପାଇଁ ଭକ୍ତ ଜଣକ ମାଙ୍କୁ ଲେଖିଥିବା ଚିଠି ମଧ୍ୟ ମିଳିଛି।

ଋଣ ବୋଝରେ ଅସହାୟ ହୋଇପଡ଼ିଛନ୍ତି ଜଣେ ଭକ୍ତ । ଚାରିଆଡ଼ୁ ନିରାଶ ହୋଇ ଶେଷରେ ମା' ମଝିଘରିଆଣୀଙ୍କ ଚରଣରେ ନିଜ ଦୁଃଖ ଜଣାଇଛନ୍ତି । ଋଣମୁକ୍ତ ହେବା ପାଇଁ ମା'ଙ୍କୁ ଏକ ଭାବବିହ୍ୱଳ ଚିଠି ଲେଖି ଦାନହୁଣ୍ଡିରେ ପକାଇଛନ୍ତି । ଦାନହୁଣ୍ଡି ଖୋଲିବା ବେଳେ ଚିଠିଟି ସାମ୍ନାକୁ ଆସିଛି । ଚିଠିଟି ପଢ଼ିବା ପରେ ସେଠାରେ ଉପସ୍ଥିତ ଶ୍ରଦ୍ଧାଳୁ ଭାବବିହ୍ୱଳ ହୋଇପଡ଼ିଛନ୍ତି ।

ଅଧିକ ପଢ଼ନ୍ତୁ :- ଖୋଲିଲା ମା' ମଝିଘରିଆଣିଙ୍କ ହୁଣ୍ଡି : ମିଳିଲା ୫୪ ଲକ୍ଷ ଟଙ୍କା, ବିଦେଶୀ ନୋଟ ସମେତ ସୁନା ଓ ରୂପା

ମା'ଙ୍କ ପ୍ରତି ଅଗାଢ଼ ବିଶ୍ୱାସ ରଖି କୋରାପୁଟ ଜିଲ୍ଲାର ସୁନୀଲ ଖରା ନାମକ ଶ୍ରଦ୍ଧାଳୁ ଏହି ଚିଠି ଲେଖିଛନ୍ତି । ଏଥିରେ ସେ ନିଜ ଦୁଃଖ, ଯନ୍ତ୍ରଣା ଓ ଅସହାୟତାର କଥା ଉଲ୍ଲେଖ କରିବା ସହ ଋଣ ବୋଝରୁ ମୁକ୍ତି ପାଇଁ ଗୁହାରି କରିଛନ୍ତି । ଚିଠିରେ ଦର୍ଶାଯାଇଛି ଯେ ସେ ପ୍ରାୟ ୨୩ ଜଣ ବ୍ୟକ୍ତିଙ୍କ ପାଖରୁ ଋଣ ନେଇଛନ୍ତି । ଏ ପର୍ଯ୍ୟନ୍ତ ପରିଶୋଧ କରିପାରିନାହାନ୍ତି । ସେ ଓ ତାଙ୍କ ପରିବାର ଭୀଷଣ ମାନସିକ ଚାପରେ ରହିଛନ୍ତି । ଏହି କଷ୍ଟରୁ ତାଙ୍କୁ ଉଦ୍ଧାର କରି ଋଣମୁକ୍ତ କରନ୍ତୁ । ଏଥିଲାଗି ନିଜକୁ ମା'ଙ୍କ ଚରଣରେ ସମପିର୍ ଦେଇଥିବା ଜଣାଇଛନ୍ତି । ଯେଉଁ ୨୩ ଜଣଙ୍କଠାରୁ ଋଣ ନେଇଛନ୍ତି, ସେମାନଙ୍କ ନାଁ ମଧ୍ୟ ଉଲ୍ଲେଖ କରିଛନ୍ତି।