ଟିମ୍‌ ର ପ୍ରଚେଷ୍ଟାକୁ ଉଚ୍ଚ ପ୍ରଶଂସା କରିବା ସହ ଆଗାମୀ ଦିନରେ ଏହା କିଭଳି ଆହୁରି ତଥ୍ୟ ଭିତ୍ତିକ ଓ ସ୍ୱତନ୍ତ୍ର ହେବ ସେନେଇ ଗୁରୁମନ୍ତ୍ର ଦେଇଥିଲେ । ଉପସ୍ଥିତ ଅତିଥି ଓ କାର୍ଯ୍ୟକ୍ରମ ସହ ଜଡ଼ିତ ସମସ୍ତ କର୍ମକର୍ତ୍ତା ଟିମ୍ କୁ ଶୁଭେଚ୍ଛା ଜଣାଇବା ସହ ଆଗାମୀ ପଥପ୍ରଦର୍ଶନ ପାଇଁ ଶୁଭକାମନା ଜଣାଇଥିଲେ।

ଡକ୍ଟର ଙ୍କ ପାଠଶାଳା' କେବଳ ଏକ ଟିଭି ଶୋ' ନୁହେଁ, ବରଂ ଏହା ଲୋକଙ୍କ ପାଇଁ ସ୍ୱାସ୍ଥ୍ୟର ଏକ ବିଶ୍ୱସ୍ତ ମାଧ୍ୟମ ସାଜିଛି । ହୃଦରୋଗ, ମଧୁମେହ, କ୍ୟାନ୍ସର, ସ୍ନାୟୁ ସମସ୍ୟା, ସ୍ତ୍ରୀ ଓ ଶିଶୁ ରୋଗ ଭଳି ଜଟିଳ ରୋଗ ସମ୍ପର୍କରେ ବିଶେଷଜ୍ଞ ଡାକ୍ତରମାନେ ଦ୍ବାରା ଦର୍ଶକ, ରୋଗୀଙ୍କ ପରିବାର ଓ ମେଡିକାଲ ଛାତ୍ରଛାତ୍ରୀମାନଙ୍କ ସନ୍ଦେହ ଦୂର କରୁଛନ୍ତି । ରୋଗର ପ୍ରାରମ୍ଭିକ ଲକ୍ଷଣ, ସଠିକ୍ ଆହାର, ଏବଂ ଆଧୁନିକ ଚିକିତ୍ସା ପଦ୍ଧତି ସମ୍ପର୍କରେ ଏଥିରେ ଗୁରୁତ୍ୱପୂର୍ଣ୍ଣ ସୂଚନା ଦିଆଯାଉଛି ।

ଆହୁରି ପଢନ୍ତୁ- ଆଜି ଆଂଶିକ ଚନ୍ଦ୍ରଗ୍ରହଣ, ଭାରତରେ ଦୃଶ୍ୟମାନ ହେବନି; ଓଡ଼ିଶାବାସୀଙ୍କୁ ପୂର୍ଣ୍ଣ ଚନ୍ଦ୍ରଗ୍ରହଣ ପାଇଁ ୨୦୨୮ ଯାଏଁ ଅପେକ୍ଷା

ପ୍ରତିଦିନ ସାଧାରଣ ଲୋକଙ୍କ ମନରେ ଉଠୁଥିବା ସ୍ୱାସ୍ଥ୍ୟ ସମ୍ବନ୍ଧୀୟ ଦ୍ୱନ୍ଦ୍ୱ, ଜଟିଳ ରୋଗର ଲକ୍ଷଣ ଓ ଏହାର ସରଳ ସମାଧାନ ପାଇଁ ବିଭିନ୍ନ ବିଭାଗର ସୁନାମଧନ୍ୟ ଡାକ୍ତରଙ୍କ ସହ ଗୁରୁତ୍ୱପୂର୍ଣ୍ଣ ଆଲୋଚନା କରିଆସୁଛି 'ଡକ୍ଟର ଙ୍କ ପାଠଶାଳା'। ଆଗକୁ ମଧ୍ୟ ଏହି ସ୍ୱାସ୍ଥ୍ୟ ସଚେତନତା ଅଭିଯାନ ଜାରି ରହିବ ବୋଲି ଟିମ୍ ପକ୍ଷରୁ କୁହାଯାଇଛି । ୫୦ ତମ ଏପିସୋଡର ଏହି ମାଇଲଖୁଣ୍ଟ ଅତିକ୍ରମ କରିବା ପରେ ଦର୍ଶକଙ୍କୁ ଆହୁରି ନୂଆ ଓ ଉପାଦେୟ ସ୍ୱାସ୍ଥ୍ୟ ତଥ୍ୟ ଯୋଗାଇଦେବାକୁ ଚେଷ୍ଟା ଜାରି ରହିବ ବୋଲି ପ୍ରତିଶ୍ରୁତି ଦେଇଛି ସମ୍ପୂର୍ଣ୍ଣ ଟିମ୍ । ଏହି ସ୍ୱତନ୍ତ୍ର ଉତ୍ସବରେ 'ଡକ୍ଟର ଙ୍କ ପାଠଶାଳା'ରେ ସାମିଲ ହୋଇଥିବା ସମସ୍ତ ଅଭିଜ୍ଞ ଡାକ୍ତରମାନଙ୍କୁ ସମ୍ମାନିତ କରାଯାଇଥିଲା । ସେହିଭଳି ପରଦା ପଛରେ ରହି କାର୍ଯକ୍ରମର ସମସ୍ତ କ୍ରିଉ ମେମ୍ବରମାନଙ୍କୁ ମଧ୍ୟ ସମ୍ମାନିତ କରିଥିଲେ ଉପସ୍ଥିତ ଅତିଥି । ଦର୍ଶକଙ୍କ ଏହି ଅକୁଣ୍ଠ ଭଲପାଇବା ଓ ବିଶ୍ୱାସ 'ଡକ୍ଟର ଙ୍କ ପାଠଶାଳା'କୁ ଆଗକୁ ବଢ଼ିବା ପାଇଁ ପ୍ରେରଣା ଯୋଗାଇଛି । ଆଗାମୀ ଦିନରେ ଆହୁରି ନୂଆ ଓ ଉପାଦେୟ ସ୍ୱାସ୍ଥ୍ୟ ଭିତ୍ତିକ ତଥ୍ୟ ନେଇ ଆସିବ ନ୍ୟୁଜ୭ ।