ଶିଳ୍ପମନ୍ତ୍ରୀ ସମ୍ପଦ ଚରଣ ସ୍ୱାଇଁଙ୍କ ସୂଚନା ଅନୁଯାୟୀ, ଦୁବାଇରେ ଇନଭେଷ୍ଟର୍ସ ମିଟ୍ ସହ ରୋଡ୍ ଶୋ ମଧ୍ୟ ଆୟୋଜିତ ହେବ । ଏହି କାର୍ଯ୍ୟକ୍ରମରେ ଓଡ଼ିଶାରେ ଉପଲବ୍ଧ ନିବେଶ ସୁଯୋଗ, ଶିଳ୍ପ ଭିତ୍ତିଭୂମି ଓ ସରକାରଙ୍କ ନିବେଶ ଅନୁକୂଳ ନୀତି ସମ୍ପର୍କରେ ନିବେଶକଙ୍କୁ ଅବଗତ କରାଯିବ । ବିଶେଷକରି ଧାତୁ, ପେଟ୍ରୋକେମିକାଲ୍, ସବୁଜ ଶକ୍ତି, ଗ୍ରୀନ୍ ହାଇଡ୍ରୋଜେନ୍, ଖାଦ୍ୟ ପ୍ରକ୍ରିୟାକରଣ, ପୋଷାକ, ଇଲେକ୍ଟ୍ରୋନିକ୍ସ, ବନ୍ଦର ଓ ଲଜିଷ୍ଟିକ୍ସ ଭଳି କ୍ଷେତ୍ରରେ ନିବେଶ ସମ୍ଭାବନା ନେଇ ଆଲୋଚନା ହେବ । ନୂଆ ଶିଳ୍ପ ସ୍ଥାପନ ସହ ରାଜ୍ୟରେ ବ୍ୟାପକ ରୋଜଗାର ସୃଷ୍ଟି ଉପରେ ମଧ୍ୟ ଗୁରୁତ୍ୱ ଦିଆଯିବ । ଏହାସହ ଦୁବାଇରେ ରହୁଥିବା ପ୍ରବାସୀ ଓଡ଼ିଆଙ୍କୁ ମଧ୍ୟ ମୁଖ୍ୟମନ୍ତ୍ରୀ ଭେଟିବେ । ସେମାନଙ୍କ ସହ ଓଡ଼ିଶାର ବିକାଶ, ଶିଳ୍ପ ଓ ନିବେଶ ସୁଯୋଗ ସମ୍ପର୍କରେ ଭାବ ବିନିମୟ କରାଯିବ ।

MMDR ସଂଶୋଧିତ ଆଇନ ଓଡ଼ିଶା ସ୍ବାର୍ଥ ବିରୋଧୀ; ଖୋଲା ବିତର୍କ ପାଇଁ ବିଜେଡି ରାଜ୍ୟସଭା ସାଂସଦଙ୍କ ଆହ୍ବାନ, ବିଜେପି କହିଲା ଲୋକଙ୍କୁ ଭ୍ରମିତ କରନି

ଗତ କିଛି ଦିନ ତଳେ ଓଡ଼ିଶାକୁ ନିବେଶ ଆସିଥିବା ବେଳେ ଏହି ଗସ୍ତ ମାଧ୍ୟମରେ ଆହୁରି ବିଦେଶୀ ପ୍ରତ୍ୟକ୍ଷ ନିବେଶ (FDI) ଆକୃଷ୍ଟ କରିବାକୁ ସରକାର ଲକ୍ଷ୍ୟ ରଖିଛନ୍ତି । ନିବେଶ ବୃଦ୍ଧି ମାଧ୍ୟମରେ ଓଡ଼ିଶାରେ ଶିଳ୍ପାୟନକୁ ତ୍ୱରାନ୍ୱିତ କରିବା ସହ ନୂଆ ନିଯୁକ୍ତି ସୁଯୋଗ ସୃଷ୍ଟି କରିବା ସରକାରଙ୍କ ପ୍ରମୁଖ ଲକ୍ଷ୍ୟ ରହିଛି।