ସରକାର ଏହି ପଦକ୍ଷେପକୁ ସ୍ୱଚ୍ଛ ପଞ୍ଜାବ ଜୈବଗ୍ୟାସ୍ କାର୍ଯ୍ୟକ୍ରମ ଅଧୀନସ୍ଥ ସବୁଜ ଉର୍ଜ୍ଜା ପ୍ରୟାସ ବୋଲି କହୁଛନ୍ତି । କିନ୍ତୁ ଏହାକୁ ନେଇ କ୍ରୋଧ ଓ ଝଡ଼ ଦେଖାଦେଇଛି । ବିରୋଧୀ ଗୋଷ୍ଠୀ ଓ ଚାଷୀମାନେ ଏହାକୁ ଆର୍ଥିକ ହାତାଶାର ସଙ୍କେତ ଭାବେ ଦେଖୁଛନ୍ତି । ପ୍ରାଦେଶିକ କର୍ତ୍ତୃପକ୍ଷଙ୍କ ଦ୍ୱାରା ଚୂଡ଼ାନ୍ତ ରୂପ ଦିଆଯାଉଥିବା ଏହି ଯୋଜନାର ଲକ୍ଷ୍ୟ ପ୍ରାଣୀ ବର୍ଜ୍ୟକୁ ଢାଞ୍ଚାଗତ ରାଜସ୍ୱ ସ୍ରୋତରେ ରୂପାନ୍ତର କରିବା । ପଞ୍ଜାବ ସରକାର ଟିକସ ଅଧୀନକୁ ଆଣିବାକୁ ଥିବା ପ୍ରଦେଶର ୧୬୮ ଗୋରୁ କଲୋନିର ତାଲିକା ପ୍ରସ୍ତୁତି ଆରମ୍ଭ କରିଛନ୍ତି । ଲାହୋର ଭଳି ସହରରେ ଗୋପାଳକମାନେ ପ୍ରତି ପ୍ରାଣୀ ପିଛା ଦିନକୁ ୩୦ ପାକିସ୍ତାନୀ ମୁଦ୍ରା ପୈଠ କରିବେ । ବର୍ଜ୍ୟ ପରିଚାଳନା ନିମନ୍ତେ ପାଣ୍ଠି ସଂଗ୍ରହ, ସ୍ୱଚ୍ଛତା ଓ ଜୈବଗ୍ୟାସ୍ ଉତ୍ପାଦନ ନିମନ୍ତେ ଅର୍ଥ ସଂଗ୍ରହ ଏହି ପ୍ରୟାସର ଉଦ୍ଦେଶ୍ୟ ହେବ । ସ୍ୱଚ୍ଛ ପଞ୍ଜାବ ପ୍ରୟାସ ଅଧୀନରେ ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଜୈବଗ୍ୟାସ୍ ପ୍ଲାଣ୍ଟକୁ ଶକ୍ତି ଯୋଗାଇବା ଲାଗି ସରକାର ଏହି ଗୋବର ସଂଗ୍ରହ କରିବେ । ତେବେ ଲକ୍ଷାଧିକ ମଇଁଷିଙ୍କ ବର୍ଜ୍ୟ ମାପିବାର ବୋଝକୁ ମୁଣ୍ଡାଇବା ମାମଲା ସ୍ଥାନୀୟ ଅଞ୍ଚଳରେ ଆଲୋଚନାର ବିଷୟ ହୋଇଛି ।

ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଏହାକୁ ଚକ୍ରୀୟ ଅର୍ଥନୀତି ଅଭିମୁଖେ ଏକ ଦୂରଦର୍ଶୀ ଲମ୍ଫ ବୋଲି ବର୍ଣ୍ଣନା କରିଛି । ଗୋବର ସଂଗ୍ରହର କେନ୍ଦ୍ରୀକରଣ ଜରିଆରେ ପୁନଃନବୀକରଣଯୋଗ୍ୟ ଉର୍ଜ୍ଜା ଉତ୍ପନ୍ନ କରିବାକୁ ସରକାର ଆଶା ବାନ୍ଧିଛନ୍ତି । ଏଥିସହିତ ସହରୀ ଗୋ କଲୋନିର ଡ୍ରେନେଜ୍ ସିଷ୍ଟମ୍କୁ ମଧ୍ୟ ସ୍ୱଚ୍ଛ କରିବା ଉପରେ ଜୋର ଦେଇଛନ୍ତି । କିନ୍ତୁ ପାକିସ୍ତାନରେ ବିରୋଧୀ ଦଳ ଭିନ୍ନ କାହାଣୀ କହୁଛନ୍ତି । ଏହା ଶାସନ ନୁହେଁ, ବରଂ ଲଜ୍ଜାଜନକ ସ୍ଥିତି । ପାକିସ୍ତାନର ସର୍ବବୃହତ ପ୍ରଦେଶର ପ୍ରକୃତ ରାଜସ୍ୱ ସ୍ରୋତ ଶେଷ ହୋଇଯାଇଛି ବୋଲି ଜଣେ ବରିଷ୍ଠ ବିରୋଧୀ ନେତା କହିଛନ୍ତି ।

ଆହୁରି ପଢ଼ନ୍ତୁ ... ଆମେରିକୀୟ ପାଇଲଟ ଆମ କବଜାରେ , ରେସ୍କ୍ୟୁ କରିବାକୁ ଆସିଥିବା ହେଲିକପ୍ଟରକୁ ମଧ୍ୟ ଖସାଇ ଦେଇଛୁ : ଇରାନ