ଆପଣ ପ୍ରତି ମାସରେ ମାତ୍ର ୧୦୦ ଟଙ୍କା ସହିତ ଏହି ଯୋଜନାରେ ନିବେଶ ଆରମ୍ଭ କରିପାରିବେ। ଏହାର ସବୁଠାରୁ ଗୁରୁତ୍ୱପୂର୍ଣ୍ଣ ସୁବିଧା ହେଉଛି ଯଦି ଆପଣ ୩ ହଜାର ଟଙ୍କାର ମାସିକ ଜମା ଲକ୍ଷ୍ୟ ସ୍ଥିର କରନ୍ତି, ତେବେ ବିନା ସମସ୍ୟାରେ ୫ ଲକ୍ଷ ଟଙ୍କା ପର୍ଯ୍ୟନ୍ତ ଅର୍ଥ ସହଜରେ ରଖିପାରିବେ। ଏହି ସ୍କିମ୍‌ରେ ୬.୭% ଫିକ୍ସ ସୁଧ, ମଝିରେ ମଝିରେ ଟଙ୍କା ଦରକାର ଥିଲେ ଲୋନ୍ ସୁବିଧା, ମ୍ୟାଚୁରିଟି ପରେ ଖାତାକୁ ଆଗକୁ ବଢାଇବାର ବିକଳ୍ପ ଭଳି ବହୁ ସୁବିଧା ମିଳିଥାଏ।

ସହଜରେ କରିପାରିବେ ନିବେଶ

ନିବେଶ ଯୋଜନା ତିଆରି କରିବା ସମୟରେ ପ୍ରତ୍ୟେକଙ୍କ ପ୍ରଥମ ପ୍ରଶ୍ନ କେବଳ ରିଟର୍ଣ୍ଣ ରହିଥାଏ। ପୋଷ୍ଟ ଅଫିସ ଆରଡିରେ ବର୍ତ୍ତମାନ ୬.୭% ବାର୍ଷିକ ସୁଧ ମିଳୁଛି। ଧରାଯାଉ ଆପଣ ପ୍ରତି ମାସରେ ଆପଣଙ୍କ ଆୟରୁ ୩୦୦୦ କିମ୍ବା ପ୍ରତିଦିନ୧୦୦ ଟଙ୍କା ସଞ୍ଚୟ କରନ୍ତି ଏବଂ ଏହାକୁ ଏହି ଯୋଜନାରେ ନିବେଶ କରନ୍ତି। ଆପଣ ପରବର୍ତ୍ତୀ ୧୦ବର୍ଷ ପାଇଁ ଏହି ନିବେଶ ଜାରି ରଖନ୍ତି। ଏହି ୧୦ ବର୍ଷ ମଧ୍ୟରେ, ଆପଣଙ୍କର ମୂଳ ରାଶି ୩ ଲକ୍ଷ ୬୦ ହଜାରକୁ ବୃଦ୍ଧି ପାଇବ। ବର୍ତ୍ତମାନର ସୁଧ ହାରରେ, ଆପଣ କେବଳ୧ ଲକ୍ଷ ୫୨ ହଜାର ୫୬୫ ଟଙ୍କା ସୁଧ ଆକାରରେ ପାଇବେ। ଏହିପରି, ୧୦ବର୍ଷର ଅବଧି ଶେଷରେ, ଆପଣଙ୍କର ଏକକାଳୀନ୫ ଲକ୍ଷ ୧୨ ହଜାର ୫୬୫ ଟଙ୍କା ରହିବ।

ଏହି ଯୋଜନା ସାଧାରଣ ଲୋକଙ୍କ ସୁବିଧାକୁ ଦୃଷ୍ଟିରେ ରଖି ଡିଜାଇନ୍ କରାଯାଇଛି। ଯେକୌଣସି ଭାରତୀୟ ନାଗରିକ ସିଙ୍ଗିଲ କିମ୍ବା ଜଏଣ୍ଟ ଆକାଉଣ୍ଟ ଖୋଲିପାରିବେ। ସର୍ବନିମ୍ନ ନିବେଶ ମାତ୍ର ୧୦୦ ଟଙ୍କାରୁ ଆରମ୍ଭ ହୋଇପାରିବ। ତେବେ ଏହାର କୌଣସି ସର୍ବାଧିକ ସୀମା ନାହିଁ। ଆପଣଙ୍କ କ୍ଷମତା ଅନୁସାରେ ଯେ କୌଣସି ଅର୍ଥରାଶି ଜମା କରିପାରିବେ। ବାପା-ମା'ମାନେ ମଧ୍ୟ ସେମାନଙ୍କ ପିଲାଙ୍କ ନାଁରେ ଏହି ଆକାଉଣ୍ଟ ଖୋଲି ପାରିବେ ଯାହା ଦ୍ୱାରା ସେମାନଙ୍କର ଭବିଷ୍ୟତ ସୁରକ୍ଷିତ ରହିବ। ଯଦି ପିଲାଟି ୧୦ବର୍ଷରୁ ଅଧିକ ବୟସର ହୋଇଥାଏ,ତେବେ ଆକାଉଣ୍ଟଟି ସିଧାସଳଖ ସେମାନଙ୍କ ନାମରେ ଖୋଲାଯାଇ ପାରିବ। ଯେତେବେଳେ ପିଲାଟି୧୮ବର୍ଷର ହୋଇଯିବ, ସେତେବେଳେ କେଓ୍ବାଇସି ଦସ୍ତାବିଜ ଜରିଆରେ ସେହି ଖାତାକୁ ରେଗୁଲାର ଆଡଲ୍ଟ ଆକାଉଣ୍ଟରେ ବଦଳାଇ ପାରିବେ।

ଦରକାର ସମୟରେ ଲୋନ୍ ସୁବିଧା

ଆର୍ଥିକ ଆବଶ୍ୟକତା କେବେ ବି କହିକି ଆସିନଥାଏ। ଏପରି ପରିସ୍ଥିତିରେ,ଏହି ଯୋଜନା ଆପଣଙ୍କୁ ମଧ୍ୟବର୍ତ୍ତୀକାଳୀନ ନଗଦ ବ୍ୟବସ୍ଥା ଦେବାର ମଧ୍ୟ ଅନୁମତି ଦିଏ। ଆକାଉଣ୍ଟ ଖୋଲିବାର ଗୋଟିଏ ବର୍ଷ ପରେ,ଯଦି ଆପଣ କ୍ରମାଗତ୧୨ଟି କିସ୍ତି ପରିଶୋଧ କରିଛନ୍ତି,ତେବେ ଆପଣ ଆପଣଙ୍କର ମୋଟ ଜମାର ୫୦% ପର୍ଯ୍ୟନ୍ତ ଋଣ ଭାବରେ ଉଠାଇ ପାରିବେ। ଆପଣ ଏହି ଋଣ ଉପରେ ସ୍ଥିର ଆରଡି ହାର ଅପେକ୍ଷା କେବଳ ୨ପ୍ରତିଶତ ଅଧିକ ସୁଧ ଦେବେ। ଋଣ ପରିଶୋଧ ବିକଳ୍ପ ଏକକାଳୀନ କିମ୍ବା ମାସିକ କିସ୍ତିରେ ଉପଲବ୍ଧ। ଯଦି କୌଣସି କାରଣରୁ ଆପଣ ଋଣ ପରିଶୋଧ କରିପାରିବେ ନାହିଁ,ତେବେ ଆକାଉଣ୍ଟମାଚ୍ୟୁର ହେବା ପରେ ମିଳିବାକୁ ଥିବା ଫାଇନାଲ ଫଣ୍ଡରୁ କାଟି ନିଆଯିବ।

ମାଚ୍ୟୁରିଟି ନିୟମ

ପୋଷ୍ଟ ଅଫିସ୍ ଆରଡିର ମୂଳ ଅବଧି ୫ ବର୍ଷ (ମୋଟ ୬୦ମାସ)। ଆପଣ ଚାହିଁବେ ଯଦି ତେବେ ମାଚ୍ୟୁରିଟି ପରେ ଏକ ସରଳ ଆବେଦନ ଦାଖଲ କରି ଏହାକୁ ଆଉ ୫ବର୍ଷ ପାଇଁ ବୃଦ୍ଧି କରିପାରିବେ। ଯଦି ଆପଣ ନୂତନ ପାଣ୍ଠି ଜମା କରିବାକୁ ଚାହାଁନ୍ତି ନାହିଁ,ତେବେ ନୂତନ କିସ୍ତି ନକରି ଆକାଉଣ୍ଟଟି ଆଉ ୫ବର୍ଷ ପାଇଁ କାର୍ଯ୍ୟକ୍ଷମ ରହିପାରିବ। କିସ୍ତି ଜମା କରିବାର ନିୟମ ମଧ୍ୟ ବହୁତ ସ୍ପଷ୍ଟ। ଯଦି ଆପଣ ମାସର ୧ ରୁ ୧୫ ତାରିଖ ମଧ୍ୟରେ ଆପଣଙ୍କର ଆକାଉଣ୍ଟ ଖୋଲିଛନ୍ତି,ତେବେ ପ୍ରତ୍ୟେକ ପରବର୍ତ୍ତୀ କିସ୍ତି ସେହି ମାସର ୧୫ତାରିଖ ସୁଦ୍ଧା ଦେବାକୁ ପଡିବ। ଯଦି ଆପଣ୧୬ ତାରିଖ ଏବଂ ଶେଷ ଦିନ ମଧ୍ୟରେ ଆପଣଙ୍କର ଆକାଉଣ୍ଟ ଖୋଲିଛନ୍ତି,ତେବେ କିସ୍ତି ମାସର ଶେଷ କାର୍ଯ୍ୟ ଦିବସ ସୁଦ୍ଧା ଦେବାକୁ ପଡିବ। ଯଦି ଆପଣଙ୍କୁ ମଝିରେ ଖାତା ବନ୍ଦ କରିବାକୁ ପଡେ, ତେବେ ୩ ବର୍ଷ ପରେ ପ୍ରି-ମାଚ୍ୟୁର କ୍ଳୋଜରର ଛାଡ ରହିଛି। କିନ୍ତୁ ଧ୍ୟାନ ରଖନ୍ତୁ, ସମୟ ପୂର୍ବରୁ ଖାତା ବନ୍ଦ କ ଆପଣଙ୍କୁ ଆରଡି ସ୍ଥାନରେ କେବଳ ପୋଷ୍ଟ ଅଫିସ ସେଭିଂ ଆକାଉଣ୍ଟ ହିସାବରେ ସୁଧ ମିଳିବ।

ଆହୁରି ପଢନ୍ତୁ : Gold Silver rate : କିଛି ଦିନର ହ୍ରାସ ପରେ ପୁଣି ବଢ଼ିଲା ସୁନା ଦର, ରୂପା ବି ମହଙ୍ଗା, ଜାଣନ୍ତୁ ଆଜିର ନୂଆ ରେଟ୍...